12-18 naýryz aralyǵynda Serbııanyń astanasy Belgradta bokstan halyqaralyq týrnırdiń jalaýy jelbireıdi.
Atalǵan jarysta Qazaqstan qurama komandasynyń músheleri barlyq 13 salmaq dárejesinde kúsh synasady. Solardyń arasynda álem jáne Azııa chempıony Sanjar Táshkenbaı (51 kg) men álem chempıonatynyń kúmis júldegeri Dýlat Bekbaýov (67 kg) syndy saıypqyrandar bar. О́zge salmaq dárejelerinde Ernur Qaırat (48 kg), Dáýlet Moldashev (54 kg), Orazbek Asylqulov (57 kg), Jeksen Beıbarys (57 kg), Erasyl Tańqaı (63,5 kg), Sabyrjan Aqqalyqov (71 kg), Dıas Moljigitov (75 kg), Erasyl Jaqpekov (80 kg), Temirlan Muqataev (86 kg), Danııar Rahymberdıev (92 kg) jáne Damır Toıbaı (+92 kg) judyryqtasady. Bul jigitter de osal emes. Olardyń deni kezinde jastar arasyndaǵy álem jáne qurlyq birinshilikterinde jeńis tuǵyryna kóterilip, bul kúnderi elimizdiń birinshi nómirli boksshylaryna laıyqty qarsylas atanyp júr.