Qolónerge baýlıtyn úıirme

Keıingi kezderi rýhanııat ordasyna memleket tarapynan jiti kóńil bólinip, oqyrmandarǵa qajetti qural-jabdyqtarmen qamtamasyz etilip, materıaldyq jaǵynan da, moraldyq jaǵynan da jaǵdaılar jasalyp keledi. Jasóspirimderdi eńbekke ári ónerge baýlý maqsatynda ki­taphanalar ishinen túrli úıir­me men sheberhana ashylyp, jumys istep jatyr. Solardyń biri – Batys Qazaqstan oblystyq Hamza Esenjanov atyndaǵy ba­lalar jáne jas­óspirimder kitaphanasynyń О́ner bóliminde 2022 jyly ashyl­ǵan «Qolóner – dástúr tiregi» atty úıirme.

Jas oqyrmandardyń bos ýaqytyn tıimdi paıdalaný úshin talantty, on saýsaǵynan óneri tamǵan qyz balalardy is­kerlikke, ıkemdilikke, dál­dik­­ke baýlýmen qatar, erekshe qa­sıetterin erte kezeńnen anyq­taýǵa yqpal etetin, ulttyq qun­­dylyqtardy damytýǵa negiz­delgen bul úıirmede 10 men 15 jas aralyǵyndaǵy jet­kin­shekter dáris alady. Bi­rinshi jar­­tyjyldyqta bólimge ke­lip túsken qolóner salasyna qa­tysty ádebıettermen tanysyp, is mashınasynyń qurylysyn, tigis­terdiń birneshe túrin úı­re­­nedi. Ári qaraı jumystary kúr­­­­dele­nip, qu­raqkórpe, qazaq­tyń oıý-ór­nek­teri beınelengen buıym­­dar jasaýmen jalǵasyn tabady.

Bul úıirmeni ashýdaǵy maq­sat – bolashaq urpaqqa rýhanı qundylyqtardy, ulttyq qol­ónerdi nasıhattaý. Ol úshin je­tekshilermen birge ár ata-ana balasynyń damýyna, je­tis­tikterge jetýine atsalysýdan aıanbaýy kerek. Balanyń bos ýa­qytyn tıimdi paıdalanyp, talantyn ashýǵa jaýapkershilikpen qarasa, shyǵarmashylyq qabi­leti shyńdalǵan jastyń bo­lashaǵynan zor úmit kútýge bolady. Qazir ınnovasııalyq damý kezeńinde barlyq bala telefon, ınternet arqyly nebir túrli paıdaly-paıdasyz aq­parattardy sanalaryna sińi­rip jatyr. Qolyndaǵy smart­fonynda aqparattyń tym kóp­tiginen bala óziniń baǵytyn taba almaı qalýy da múmkin. Sabaqty ıne sátimen demekshi, bolam degen jasty betinen qaq­paı, ulttyq qundylyqtar men mádenı muralarymyz jolynda tárbıelesek, keleshek ur­paǵymyz ulaǵatty bolaryna senim mol.

Aınur ShÁRIPOVA,

H.Esenjanov atyndaǵy balalar jáne jasóspirimder kitaphanasynyń kitaphanashysy