Respýblıka aýmaǵynda IIM «Mal urlyǵy» jedel-profılaktıkalyq is-sharasyn ótkizdi, dep habarlaıdy Egemen.kz Polisia.kz-ke silteme jasap.
– Operasııany júrgizýge 4 myńnan astam polısııa qyzmetkeri men aýyl sharýashylyǵy basqarmalarynyń 400 mamany jumyldyryldy. Urlanǵan mal men et ónimderin satý faktilerin anyqtaý úshin 3,5 myńnan astam et bazarlary, pavılondar jáne mal soıý sehtary tekserildi. Úsh kúnde 141 mal urlyǵy ashylyp, 94 adam ustaldy. Onyń ishinde 12 qylmystyq top bar. 360-tan astam urlanǵan mal basy tabylyp, ıelerine qaıtaryldy. Sonymen qatar veterınarııa salasynda 800-ge jýyq quqyq buzýshylyq jáne aýyl sharýashylyǵy janýarlaryn jaıý erejelerin buzýdyń 2 myńǵa jýyq faktisi anyqtaldy. Bul baǵyttaǵy jumys jalǵasyp jatyr, – dedi departament bastyǵy – IIM resmı ókili Shyńǵys Alekeshev.