Búgin elordadaǵy Qalıbek Qýanyshbaev atyndaǵy memlekettik akademııalyq qazaq mýzykalyq-drama teatrynda qazaq valsiniń koroli Shámshi Qaldaıaqovty eske alýǵa arnalǵan «Shámshi» spektakl-elegııasy sahnalandy. Qoıylymdy tamashalaýǵa Senat Tóraǵasy Máýlen Áshimbaev bastaǵan senatorlar da bardy, dep jazady Egemen.kz joǵarǵy Palatanyń baspasóz qyzmetine silteme jasap.
Senat Tóraǵasy Shámshi Qaldaıaqov – qazaq halqynyń ulttyq maqtanyshy, otansúıgishtik pen asqaq rýhtyń úlgisi ekenin, kompozıtordyń shyǵarmalary eshqashan eskirmeıtinin jáne qazaq halqynyń rýhanı ómiri men mádenıetiniń tórinen oryn alatynyn aıtty. Shámshiniń týyndylary ár býynnyń ókilderine keńinen tanymal.
Máýlen Áshimbaev qazirgi tańda elimizde Memleket basshysy Qasym-Jomart Toqaevtyń tapsyrmasy boıynsha mádenıet salasyna úlken qoldaý kórsetilip kele jatqanyn, osy baǵytta keshendi sharalar qolǵa alynǵanyn atap ótti. Sondaı-aq Senat Tóraǵasy óner ujymyna ulttyq mádenı qundylyqtardy nasıhattap, kompozıtordyń shyǵarmashylyǵyn dáriptegeni úshin alǵysyn bildirdi.
«Shámshi» elegııasynyń avtory belgili aqyn Serik Turǵynbekuly. Ol uly kompozıtordyń jumbaq álemine úńilip, jan dúnıesiniń názik qyrlaryn shyǵarmasyna arqaý etti. Qoıylymnyń rejısseri Qazaqstannyń eńbek sińirgen qaıratker Bolat Uzaqov.
Spektaklde Shámshi Qaldaıaqovtyń «Aq mańdaılym», «Qaıyqta», «Keshikpeı kelem dep eń...», «Baqyt qushaǵynda», «Syǵan serenadasy», «Ana týraly jyr», «Teriskeı» jáne basqa shyǵarmalary oryndaldy.