Jańa mektep qaıda salynady?

Pavlodardyń Ýsolka jáne Zaton shaǵyn aýdandaryndaǵy 1 200 oqýshyǵa arnalǵan bilim shańyraǵynyń qurylysy bıyl bastalýy tıis. Áýeli ǵımaratty aýdannyń ózinde turǵyzý josparlanǵan eken. Biraq ol jerde bos oryn tabylmaı, ákimdiktegiler bilim berý salasyna jaýapty uıymdarmen aqyldasa kele, Ertis ózeniniń dál jaǵasynan salamyz dep uıǵarǵan. Ol úshin byltyr keme jóndeý zaýytyn ózge jerge kóshirmekshi bolyp, úlken shý shyqqan edi. Bul týraly ótken jyldyń qarasha aıynda gazetimizde «Qos kásiporynǵa qaýip tónip tur» degen maqala da jarııalaǵan edik. Aqyr-sońy qoǵam ókilderiniń aralasýymen keme jóndeý zaýyty ornynda qaldyryldy. Odan keıingi nusqa – Zaton shaǵyn aýdanyndaǵy 48 jer úıdi súrip tastap, sol jerge turǵyzý edi. Biraq úı ıelerimen kelisý, satyp alý kóp ýaqytty alatyn bolǵandyqtan, sheneýnikter ol ıdeıadan da bas tartty. Eń sońynda jergilikti ákimdik «Qazaq zaǵıptar qoǵamynyń» Pavlodardaǵy fılıaly turǵan jerge salamyz degen baılamǵa keldi.

О́tken aptada oblysqa jumys sapa­ry­men kelgen Eńbek jáne halyqty áleý­­mettik qorǵaý mınıstri Svetlana Ja­­qy­pova bul máselege kóńil aýdaryp, ákim­diktiń josparymen tanysty.

«Oblys basshylyǵy zaǵıptar qoǵamy úshin ózge jerden jańa ǵımarat berilip, ti­gin sehy úshin jańa tigin mashınkala­ry satyp áperiletinin aıtyp otyr. Ári qazir­gi keshenge jaqyn turatyn jan­dardy ja­ńa orynǵa tegin tasymaldaı­tyn avtobýs uıym­dastyrylady. Menińshe, bul qo­laı­ly jaǵdaı. Atalǵan kásiporynda 40 adam jumys isteıdi. Al jańadan saly­na­tyn mekteptiń qyzyǵyn 1 200 oqý­shy kó­re­ti­n bolady», dedi Svet­lana Ja­qy­pova bu­qa­­ra­lyq aqparat qural­da­ry­na ber­gen suh­ba­tynda.

Qalalyq bilim berý bóliminiń bas­shy­sy Qýanysh Qydyralınniń só­zin­she, Ýsol­­ka men Zaton shaǵyn aýdan­da­ryn­daǵy oqý­­­shylar ornynyń jetis­peý­shi­li­gi myń ja­­­rym­nyń ústinde. Ke­ıin­gi úsh jyl­da oqý­­­shylar sany eselep artyp, ja­ńa mek­tep salý jobasyn tezdetýdi qa­jet etip otyr.

PAVLODAR