Jýrnalıst Qymbat Dosjan týǵan anasyn izdep, kúni keshe Qazaqstanǵa kelgen Jánibek Savelevti satyp jibergen adamdardy biletinin málimdedi. Bul týraly El.kz aqparat agenttigi habar taratty, dep jazady Egemen.kz.
«Bul týraly ótken suhbatymda da aıttym. Jánibekti satqan kelinshek belgııalyq azamatshadan myńdaǵan eýro kóleminde qomaqty aqsha alǵan. Kádimgideı qolynan sanap turyp alǵan. Ol áıel adam ekenin, onyń sol kezde jas kelinshek bolǵanyn, onyń otbasy baryn, onyń qazir jasy neshede jáne qaı jerde jumys isteıtininen de habardarmyn», deıdi Qymbat Dosjan.
Jýrnalıstiń aıtýynsha, qazir ol kisimen polısııa qyzmetkerleri aınalysyp jatyr.
Qymbat Dosjannyń aıtýynsha, Jánibekti asyrap alǵan ananyń psıhıkalyq densaýlyǵynda aqaý bolǵan.
«Bul balany o basta depressııaǵa jıi ushyraıtyn áıelge bergen. Jánibekti taǵdyrly bala dep aıtatynym sol. Bul bala bizden ketip, eki jyldan soń taǵy balalar ınternatyna tústi. Sondyqtan ǵoı aıtyp otyrǵanym, analar súıe de alady, qusha da alady. Aqsha úshin, basqa úshin balany shekara asyryp ta jibere alady. Osynyń bárin jasaıtyn áıel», dep túıindedi ol.