TikTok juldyzyna aınaldy

Pedagogter men oqýshy­lar­­ǵa paıdaly laıfhaktar­dy usyn­ǵan onyń bul eńbegi jýyq­ta «Qazaqstan muǵalimderi» baı­qaýynda top jardy. Igor beı­nerolıkterinde maman­dyǵy­nyń qanshalyqty mańyzdy eke­nin jáne balalarmen ortaq til taba bilýdiń qajettiligin kórse­týge tyrysqany baıqala­dy. Ma­mannyń pikirinshe, oqý­shy­lardyń belgili bir pánge qyzyǵýshylyǵy sabaqtyń, tap­syrmalardyń qyzyq­ty berilýine baılanysty.

– Pedagogıka salasynda 7,5 jyldaı qyzmet atqaryp kele­min. Bul mamandyqqa oıda joq­ta keldim deýge bolady. Al­ǵa­shynda nemis tiliniń aýdar­mashysy mamandyǵyna qujat tapsyrǵam. Keıin topta oqıtyndar az bolyp, kolledj bizdi ózge mamandyqtarǵa bóldi. Men bastaýysh synyptardy oqytatyn pedagog baǵytyn tańdadym. О́zimdi bastapqyda muǵalim retinde kórsete almaıtyn shyǵarmyn dep oılaıtynmyn. Deıturǵanmen, dıplom alǵan soń oblys ortalyǵyndaǵy №40 mektepke jumysqa turýǵa bel baıladym, – dep áńgimeledi jas pedagog.

Igor kishkentaı balalardyń oqýǵa zeıinin arttyrý úshin oqy­tý­dyń nebir formalaryn qoldanady eken. Kórneki qural­dar­dyń ashyq tústi ári boıaýy qanyq bolýy kerek. Proektor arqyly prezentasııalar men beınejazbalar kórsetedi. Sa­baq­tyń taqyrybyn aýyzsha baıan­daǵansha, ony beıneli túrde usyn­ǵan áldeqaıda tıimdi dep esep­teıdi. Balalar ár sabaǵyna qyzyǵa qatysady.

 – Alǵashqyda sabaqtarymdy tal­daý úshin TikTok-ta beıne­-ro­lıkter túsire bastadym. Bala­lardyń sabaq ústinde jaýap bergenin syrttan baqy­laý – men úshin mańyzdy edi. Sebe­bi olarǵa neniń unap, neniń unama­ǵanyn ekran arqyly kóre ala­syń, ári óz áreketińdi baǵalaı­syń. Oqý­shylarymnyń ata-anala­ry­nyń ruqsatymen beınejaz­balardy platformaǵa ornalas­tyrǵan soń arada kóp ýaqyt ótpeı meniń ádistemem, sabaq ústindegi balalardyń ózin ózi ustaýy, synyptaǵy ahýaldyń adam­darǵa unaıtynyn baıqadym. Ári qaraı da rolıkterdi salýdy jalǵastyrdym. Sóıtip, kópshilik pikir jaza bastady. Bola­shaq pedagogter, oqý oryndaryn bitirýshi jas mamandar meniń vıdeolarymnan ózderi úshin jańalyq tapqanyn aıtyp, habar­lasyp jatady. Mundaı sóz­derdi estý men úshin qýanysh, – deıdi Igor.

Pedagog-zertteýshi bolashaqta da óziniń qyzmetin muǵalimdik salada jalǵastyra beretin oıy bar. Balalardyń jaǵymdy emosııasyn kórý, olardyń oı-qııaldaryn damytýdan artyq baqyt joq dep esepteıdi jas maman.

Pavlodar oblysy