Tótenshe jaǵdaılar departamenti Qytaı aýmaǵynda jer silkinip, onyń áseri Almaty qalasynda 2 baldyq kórsetkishpen sezilgenin málimdedi, dep jazady Egemen.kz.
Arnaıy qurylǵan jedel jeli nomerlerine 71 aqparattyq sıpattaǵy qońyraý shalynǵan.
TJM Almaty qalasynda jer silkinisi qaýpi saqtalatynyn aıtyp, turǵyndardy 16:00-ge deıin úılerine barmaýǵa keńes berdi.
«Qazir aftershoktar bolýy múmkin. Biraq olardyń qýaty álsiz sezineledi. Sabyr saqtap, saǵat 16:00-ge deıin jınalý pýnktinde qalýyńyzdy suraımyz», dedi Seısmologııalyq baqylaý jáne zertteý ulttyq ǵylymı ortalyǵynyń dırektory Dáýlet Sársembaev.
Aıta keteıik, TJM janyndaǵy Daǵdarys jaǵdaılarynda basqarý ortalyǵynda respýblıkalyq jedel shtab jumys istep jatyr.Osyndaı shtabtar Almaty qalasy men Almaty, Jetisý oblystarynda qurylǵan.