Astanadaǵy Ulttyq qorǵanys ýnıversıteti qabyrǵasynda Qarýly kúshterdiń basshylyq quramyna arnalǵan qyzmettik jıyn ótti. Onda áskerdiń jaýyngerlik daıarlyq júıesin jetildirý, oqý úderisin zaman talabyna beıimdeý jáne basqarý býyndarynyń jaýapkershiligin kúsheıtý máseleleri jan-jaqty talqylandy, dep habarlaıdy Egemen.kz.
Qorǵanys mınıstri, avıasııa general-leıtenanty Dáýren Qosanov jeke quramdy oqytýda praktıkalyq baǵytty kúsheıtý qajet ekenin naqty atap ótti. Mınıstrdiń aıtýynsha, jattyǵý men oqý-jattyǵý is-sharalary áskerı qyzmetshiniń naqty jaýyngerlik jaǵdaıda áreket etý qabiletin shyńdaýǵa baǵyttalýy tıis.
Sonymen qatar, barlyq deńgeıdegi komandırlerdiń jaýyngerlik daıyndyq sapasyna jeke jaýapkershiligin arttyrý mindeti qoıyldy. Bul – bólimshelerdiń urysqa ázirlik deńgeıin naqty kórsetkishter arqyly baǵalap, talapty kúsheıtýdi kózdeıdi.
Qorǵanys mınıstriniń birinshi orynbasary – Bas shtab bastyǵy general-leıtenant Qanysh Ábýbákirovtiń jetekshiligimen qolbasshylyqtyń jaýyngerlik daıyndyq júıesindegi mindetteri qaraldy.
Jıynda basqarý organdary men áskerı bólimderdi joǵary jaýyngerlik daıyndyq deńgeıine keltirý tájirıbesi, sondaı-aq Desanttyq-shabýyldaý áskerlerin kenetten tekserý qorytyndylary talqylandy. Bul sharalar áskerdiń jedel áreket etý múmkindigin aıqyndap, álsiz tustardy der kezinde anyqtaýǵa baǵyttalǵan.
Jaýyngerlik daıarlyq mamanynyń kásibı kúni engizildi
Jyldyq josparlaý jáne jańa standarttarJaýyngerlik daıyndyqtyń jyldyq sıkli boıynsha is-sharalardy josparlaý men uıymdastyrý máseleleri de keńinen sóz boldy. Qolbasshylar óz baǵyttary boıynsha baıandama jasap, aldaǵy kezeńge arnalǵan mindetterdi naqtylady.
Jıynda:
biryńǵaı oq atý kýrsyn jańartý,
jaýyngerlik jáne dene daıyndyǵy pánderi boıynsha normatıvter jınaǵyn qaıta qaraý,
oqý ortalyqtarynyń kópdeńgeıli júıesin qalyptastyrý,
barlaý bólimsheleriniń uıymdastyrýshylyq-shtattyq qurylymdaryn jetildirý máseleleri kóterildi.
Bul ózgerister áskerı daıarlyqtyń mazmunyn birizdendirip, ony tıimdi ári ólshenetin júıege kóshirýge baǵyttalǵan.
Arnaıy jasaq jaýyngeri: Qazaqstan áskerı qurylymynyń daıyndyǵy joǵary deńgeıde ekenin dáleldedik
Jıynda jeke quramnyń moraldyq-psıhologııalyq jaǵdaıy da basty nazarda boldy. Tárbıe jáne ıdeologııalyq jumys departamenti áskerı qyzmetshilermen jumys júrgizýdiń zamanaýı tásilderin tanystyrdy.
Qashyqtan barlaý, jaýynger qaýipsizdigi: Zamanaýı áskerı tehnıkany meńgerýdiń mańyzy qandaı?