Qazaqstanda zorlyq-zombylyqtan japa shekken balalarǵa keshendi kómek kórsetetin mamandandyrylǵan kabınetter jumys isteı bastaıdy. Jańa tetik kámeletke tolmaǵandarǵa «bir tereze» qaǵıdaty boıynsha jan-jaqty qoldaý usynýǵa baǵyttalǵan, dep jazady Egemen.kz.
Oqý-aǵartý mınıstrliginiń málimetinshe, bul kabınetterde balaǵa qolaıly orta qalyptastyrylyp, alǵashqy psıhologııalyq kómekten bastap sot-medısınalyq saraptamaǵa deıingi barlyq qajetti qyzmet bir jerde kórsetiledi. Sondaı-aq beıindi mamandardyń qatysýymen saýalnama júrgiziledi. Osylaısha, balanyń ártúrli mekemelerdi jaǵalap júrýi toqtatylyp, onyń psıhologııalyq turǵydan qaıta jaraqat alýyna jol berilmeıdi.
Atalǵan bastama 2025 jylǵy 30 jeltoqsanda Memleket basshysy qol qoıǵan «Quqyq buzýshylyqtardyń aldyn alý týraly» Zańda kózdelgen. Norma 2026 jylǵy 2 naýryzdan bastap kúshine enedi.
Qazirgi ýaqytta kabınetterdiń qyzmet qaǵıdalary ázirlenip jatyr. Qujat bekitilgennen keıin óńirlerde olardy kezeń-kezeńimen ashý josparlanǵan.
Genderlik zorlyq-zombylyqqa qarsy naýqan
Zań sheńberinde zorlyq-zombylyqqa, qatygezdikke, býllıngke ushyraǵan nemese sonyń kýási bolǵan kámeletke tolmaǵandardy anyqtaý jáne olarǵa kómek kórsetý qaǵıdalary da daıyndaldy. Atalǵan qujatta:
Osyndaı balalardy anyqtaý tártibi; Kómek kórsetý tetikteri; Memlekettik organdardyń, bilim berý uıymdarynyń, 111 baılanys ortalyǵynyń, Bala quqyqtary jónindegi ýákil men óńirlik ýákilderdiń ózara is-qımyl algorıtmderi naqty aıqyndalǵan.Bul tetik vedomstvoaralyq jedel áreket etýge jáne balalarǵa ýaqtyly, keshendi kómek kórsetýge múmkindik beredi.
Qaraǵandyda anasynan zábir kórgen 4 jastaǵy balanyń isine qatysty sot úkimi shyǵaryldy
Jańa bastama – balanyń quqyǵy men qaýipsizdigin qorǵaýǵa baǵyttalǵan naqty qadam. Endigi mindet – qabyldanǵan normalardy tıimdi júzege asyryp, árbir balanyń qaýipsiz ortada ómir súrýin qamtamasyz etý.
Astanada zorlyq-zombylyq kórgen áıelder men balalarǵa qoldaý kórsetildi