Ulybrıtanııa, Germanııa jáne Fransııa bıligi Iran Taıaý Shyǵystaǵy odaqtastaryna baǵyttalǵan «tańdamaı jasalatyn jáne shamadan tys» shabýyldaryn toqtatpasa, áskerı kúsh qoldanýǵa daıyn ekenin málimdedi. Úsh eldiń birlesken málimdemesin Germanııa úkimetiniń baspasóz qyzmeti taratty, dep jazady Egemen.kz.
Málimdemede Irannyń soqqylary atalǵan memleketterdiń áskerı qyzmetkerleri men azamattarynyń qaýipsizdigine qater tóndiretini aıtylǵan. Osyǵan baılanysty Tegerandy atysty dereý doǵarýǵa shaqyrdy.
«Tegeran endi burynǵydaı bolmaıdy»: Izraıl men AQSh Iranǵa soqqy jasady
«Biz óńirdegi óz múddelerimizdi jáne odaqtastarymyzdyń múddelerin qorǵaý úshin naqty qadamdar jasaımyz. Qajet bolǵan jaǵdaıda Irannyń zymyrandar men ushqyshsyz ushý apparattaryn ushyrý múmkindigin joıýǵa baǵyttalǵan qajetti ári ólshemdi qorǵanys sharalary qabyldanady», delingen Ulybrıtanııa, Germanııa jáne Fransııa úkimetteriniń birlesken málimdemesinde.
Sondaı-aq úsh el áreketterin AQSh jáne ózge de odaqtastarmen úılestirip otyrýǵa kelisken.
Iranda Álı Hameneıniń ornyna ýaqytsha kóshbasshy taǵaıyndaldy
Irannyń zymyran soqqylary tek Izraılge ǵana emes, aımaqta AQSh-tyń áskerı nysandary ornalasqan ózge elderge de baǵyttalǵany habarlandy. Olardyń qatarynda Saýd Arabııasy, Birikken Arab Ámirlikteri, Bahreın, Qatar jáne Iordanııa bar. Kýágerlerdiń aıtýynsha, shabýyldar áskerı bazalarmen qatar azamattyq ınfraqurylymǵa da áser etken.
Iran tóńiregindegi jaǵdaı: Munaı nege qymbattady?