Qaraǵandy qalasynda jedel járdem júrgizýshisin soqqyǵa jyqqan Nurbolat Dákebaevtyń isi jeńildetilgen qylmystyq bapqa aýysty, dep jazady Egemen.kz.
27 qańtar kúni áleýmettik jelide jedel járdem júrgizýshisi soqqyǵa jyǵylǵany beınelengen vıdeo taraǵan edi.
Oqıǵadan soń kúdikti boı tasalap, 1 aqpanda qolǵa tústi.
Sońyra jábirlenýshi Tóreǵalı Berikqalıuly Nurbolat Dákebaevty keshiretinin málimdedi, alaıda quzyrly organ onyń jazasyz qalmaıtynyn habarlady.
Kúdiktiniń áreketi bastapqyda «Densaýlyqqa qasaqana aýyrlyǵy ortasha zııan keltirý» baby boıynsha qaraldy, al qazir «Buzaqylyq» deregine oıysty. Alǵashqy bapta 3 jyl bas bostandyǵynan aıyrý jazasy kózdelse, «Buzaqylyq» babynda 2 jyl qamaýda ustaý jazasy qarastyrylǵan.
Atalǵan is boıynsha sot tyńdalymy shamamen 6 naýryz kúni, ashyq formatta ótedi.