2 aqpanda Shymkenttegi №2 qalalyq kópsalaly aýrýhananyń bosaný bóliminde úshem dúnıege keldi, dep habarlaıdy Egemen.kz qalalyq Densaýlyq saqtaý basqarmasynyń baspasóz qyzmetine silteme jasap.
Shymkent qalasynyń turǵyny 1993 jyly týǵan Nargıza Áshirmetova úshemniń baqytty anasy atandy.
Áshirmetovter otbasynda 3 bala bar. Bul joly otbasy úsh er balamen tolyqty.
Birinshi balanyń salmaǵy - 1735 gramm, búginde - 2300 gramm; Ekinshi balanyń salmaǵy - 1450 gramm, búginde - 2035 gramm; Úshinshi balanyń salmaǵy - 1680 gramm, búginde - 2310 gramm.Áıel júktiliktiń 33-shi aptasynda bosanǵan.