Otandyq BAQ-ta Soltústik Qazaqstan oblysy máslıhat depýtaty Pavel Býlaevtyń sybaılas jemqorlyqqa baılanysty kúdikke ilingeni týraly aqparat taraǵan edi. Búgin Sybaılas jemqorlyqqa qarsy is-qımyl agenttigi derekti rastap, iske qatysty túsinikteme berdi, dep jazady Egemen.kz.
Birneshe jyldan beri Petropavl ákimdigine qarasty «Tazartqysh, sý tartqysh jáne sý ótkizgish ǵımarattar» KMK basqarǵan, sonymen qatar oblys máslıhatynda depýtattyq mandaty bar Pavel Býlaev ustaldy. Ol bir mandatty №13 aýmaqtyq saılaý okrýgi boıynsha «Aq jol» partııasynan saılanǵan edi.
«Laýazymdy tulǵalar 2020-2022 jyldar aralyǵynda nóser sý jelilerin rekonstrýksııalaý, sorǵy stansııalaryn jóndeý jáne arnaıy tehnıkany jalǵa berý qyzmetterin kórsetý boıynsha enshiles kásiporyndarmen jalǵan kelisimsharttar jasasý arqyly jalpy somasy 258 mıllıon teńge bıýdjet qarajatyn jymqyrdy degen kúdikke ilindi», dedi Sybaılas jemqorlyqqa qarsy qyzmet agenttiginiń resmı ókili Arman Tileýkenov.
Kúdikti ýaqytsha ustaý ızolıatoryna qamaldy.