О́ndiristi Ekibastuzdyń balalarǵa tartýy

Keshe Úkimet basshysy Oljas Bektenov jumys saparymen Pavlodar oblysyna keldi. Premer-mınıstr Ertis-Baıan óńiri­niń óndiristik jáne munaı-gaz salasyndaǵy irgeli jobalarymen ta­nysyp, Prezıdent júktegen tap­syr­malardyń júzege asý barysymen tanysty.

Ekibastuzda salynyp jatqan balalar shyǵarmashylyǵy saraıyn­da keleshekte 9 myńnyń ústinde jasóspirim qosymsha bilim alady dep josparlanǵan. Onyń ishinde 1,5 myńy – erekshe qajettiligi bar balalar. Shahar mektepterinde bú­ginde 22 590 oqýshy bilim alsa, olar­dyń nebári 31 paıyzy, ıaǵnı 7 myńǵa jýyǵy ǵana mektepten tys ýaqytyn paıdaly ótkizip jatyr.

«Bul – Memleket basshysynyń tikeleı tapsyrmasymen salynyp jatqan nysan. Sondyqtan sapasy da óte joǵary deńgeıde bolýy­ kerek. Mundaı ortalyqtar bala­­lardyń bos ýaqytyn qamtyp, olardyń shyǵarmashylyq qabiletin damytýǵa, qosymsha bilim alýyna múmkindik beredi. Ortalyq iske qosylǵannan keıin qalada qosymsha bilimmen qamtý deńgeıi 71 paıyzdy quramaq. Joba jeke baqylaýymda bolady», dedi O.Bektenov.

Keleshek ortalyqtyń nátıje­sin­de qaladaǵy 16 myń bala qo­symsha bilimmen qamtylady dep kútilip otyr. Shyǵarmashylyq saraıynda shamamen 102 adam eńbekpen qamtylsa, onyń teń jartysy pedagogter bolady dep josparlanǵan.

«Úıirmeler 17 baǵytta jumys júr­gizedi. Olardyń ishinde shyǵar­mashylyq, óner, mýzyka, IT-tehno­logııalar qamtylady. Zamanǵa saı ǵımaratta ǵaryshtyq radıobaılanys klýby, robottehnıka stýdııasy, ónerkásiptik sáýlet jáne dızaın stýdııasy, ǵylymı-bıologııalyq zerthana, kovorkıng-aımaq, dybys jazý stýdııasy, fotografııa akademııasy, kórkem-estetıkalyq sheberhana, sportzal jáne t.b. ashylady dep kútilip otyr. Ortalyqtyń ózi tómengi qaba­tymen eseptegende 4 qabatty nysan bolyp salynbaqshy», dep atap ótti Ekibastuzdyń ákimi Aıan Beısekın.

Oljas Bektenov kommýnaldyq-energetıkalyq sektordy jańǵyrtý jumystarynyń barysymen jáne turǵyndardy jylýmen úzdiksiz qamtamasyz etý sharalarymen tanysty. Ekibastuz JEO-da óńir ákimi Asaıyn Baıhanov Úkimet basshysyna jylýmen qamtý júıesin qalpyna keltirý aıasynda barlyq 10 qazandyqqa kúrdeli jóndeý jumystary júrgizilgenin habarlady. Stansa kórsetilgen parametr­lerge sáıkes qalypty qýatynda jumys istep tur. Sonymen qatar 4 jylý magıstrali men oramishilik jeliler de kúrdeli jóndeýden ótti. Jyl sońyna deıin barlyq magıstraldi jelilerdi sıfrlan­dy­rý aıaqtalady. Sondaı-aq óńir basshysy oblystyń úsh qalasynda jóndeý naýqanynyń josparyn usyndy. Ekibastuz qalasy bo­ıyn­­sha TM-1 jáne TM-2 jylý ma­gıs­tralderin kúrdeli jóndeýdiń jobalaý-smetalyq qujattamasy jáne Ekibastuzdaǵy káriz kollektory men Maıqaıyń sý quby­ryn kúrdeli jóndeý jobalary ázirlenipti. Al Pavlodarda TM-13 qurylysy júrgizilse, Aqsý qala­syn­da oramishilik jylý jeli­leri kúrdeli jóndeýdi qajet etedi.

Premer-mınıstr Ekibastuzdyń jylýmen jabdyqtaý júıesin qal­pyna keltirý úderisin jalǵas­tyrý qajet ekenin atap ótti. Úkimet ta­r­­a­­­pynan tolyqtaı qoldaý kór­se­tiledi.

«Biz Ekibastuzdyń 2022 jyldyń qysynda qandaı qıynshylyqty bas­tan ótkergenin bilemiz. Memleket basshysynyń tapsyrmasymen Úkimet rezervinen jylýmen jab­dyq­taý jelilerin jóndeýge jáne JEO-ny jańǵyrtýǵa 16,4 mlrd teńge bólindi. Menshik ıe­lerimen birlesip, jylý ortalyǵynyń turaqty jumysyn qamtamasyz etý sharalar qabyldandy. Barlyq qazandyq jóndeýden ótti. Qalanyń jylý jelilerin jańǵyrtý boıynsha aýqymdy jumys júrgizildi. Jumys qarqynyn arttyryp, jylý jelileri men jylý kózderi jab­dyqtarynyń tozýyn azaıtý qajet», dedi O.Bektenov.

Kómirli shaharda sondaı-aq temir­jol dóńgelekterin shyǵa­ra­tyn «Prom­mashkomplekt» JShS-nyń jumysy tanystyryldy. Zaýyt – Qazaqstanda atal­­­ǵan ónimdi shyǵaratyn jalǵyz kásiporyn. Onyń assortımenti halyqaralyq standarttarǵa sáıkes keletin lokomotıvterge, júk jáne jolaýshylar vagondaryna ar­nalǵan temirjol dóńgelekteriniń 400-den asa túrin qamtıdy. Qýaty jylyna 300 myń birlik ónim shyǵaratyn kásiporyndy iske qosý Ekibastuzda tolyqqandy temirjol klasterin qurýǵa jáne ımportty almastyrýǵa eleýli úles qosýǵa múmkindik berdi.

O.Bektenov atalǵan óndiris orny­nyń tolyq júktemesin qamta­masyz etý mańyzdy ekenine toq­taldy. Zaýyt «Qazaqstan temir­joly» kompanııasynyń jáne ónerkásiptik kásiporyndardyń qa­jet­tilikterin ishinara óteıdi, sondaı-aq ónimdi Ázerbaıjan, Qyr­ǵyzstan, Reseı, Tájikstan, О́zbek­stanǵa jetkizip otyr.

Tústen keıin Úkimet basshysy oblys ortalyǵyndaǵy munaı-gaz jáne metallýrgııalyq kásip­oryn­daryn aralap, óndiristik kór­setkishterin zerdeledi. Máselen, Pav­lodar munaı-hımııa zaýyty jylyna shamamen 6 mln tonna munaı óńdeıdi. Shyǵarylatyn ónimderdiń ishinde avtomobıl benzıniniń ártúrli markalary, dızel otyny, mazýt, bıtým, kommýnaldyq-turmystyq gazdar jáne t.b. bar. Premer-mınıstrdiń sózinshe, Memleket basshysy ishki naryqty otynmen qamtamasyz etý boıynsha Úkimet aldyna naqty mindetter qoıdy. Osyǵan baılanysty munaı óńdeý zaýyttary munaı ónimderiniń búkil jelisi boıynsha óndiris kóle­min ulǵaıtý úshin barlyq shara keshenin iske asyrýy qajet.

«QazMunaıGaz» kompa­nııa­synyń tóraǵasy Maǵzum Myrzaǵalıev zaýyttaǵy jańǵyrtý ju­mys­ta­rynyń arqasynda qaıta óńdeý kóle­mi 20 paıyzǵa (16,6 mln tonnaǵa deıin), munaıdy óńdeý tereńdigi rekordtyq 86 paıyzǵa, al jeńil munaı ónimderin shyǵarý 72 paıyzǵa deıin óskenin baıandady. Avtomobıl benzınderi óndirisin 80, al dızel otyny óndirisin 30 paıyzǵa ulǵaıtý esebinen ishki naryqtyń qajettiligi tolyǵymen qamtamasyz etildi. Buǵan qosa búginde bıtým óndirisin eseleýge, qysqy sýyqta qatpaıtyn dızel otynyn shyǵarýǵa kúsh salynyp jatyr.

Úkimet basshysy sonymen qatar «Neftehım LTD» kompanııasy men «KSP STEEL» JShS-da, Qazaqstan elektrolız zaýyty men alıýmınıı zaýytynda boldy. O.Bektenov Pavlodar oblysynda munaı-hımııa klasterin damytý úshin barlyq jaǵdaı jasalǵanyn atap ótti. Atap aıtqanda, «Neftehım LTD» zaýyty polıpropılen ónimderin ımporttaý máselesin sheship qana qoımaı, sondaı-aq otynǵa qospa túrinde eksporttalatyn jańa baǵytty ıgerdi. Energetıka mınıstrligine ári qaraı óndiristi ulǵaıtý úshin kásiporyndy shıkizatpen qamta­masyz etý máselesin muqııat pysyq­taý tapsyryldy.

Sapar sońyn Aqsý qalasyndaǵy ferro­qorytpa zaýyty men «EEK» AQ elektr stansalarynda túıin­dedi.

Pavlodar oblysy