8 naýryz merekesi qarsańynda Almatyda áıelder ruqsat etilgen mıtıngke shyqty. Áıelder qozǵalysy qaladaǵy Mahatma Gandı eskertkishi janyndaǵy saıabaqta ótti, dep jazady Egemen.kz.
Mıtıngke qatysýshylar áıel quqyǵy men qoǵamdaǵy ornyna qatysty áleýmettik máselelerdi kóterdi.
Is-sharany qıyn jaǵdaıda qalǵan áıelderdi qoldaý maqsatynda qurylǵan «Rahym» áleýmettik úıiniń negizin qalaýshy Bıbinur Sherálıeva, azamattyq teń quqyq úshin kúresetin basqa da qoǵamdyq uıymdar men qozǵalys ókilderi uıymdastyrdy.
Mıtıngke 100-ge jýyq adam qatysty, olardyń ishinde BAQ ókilderi men uıymdastyrýshylar, sondaı-aq jastar boldy.
Jıynnyń uıymdastyrýshysy Bıbinur Sherálıeva ajyrasqan áıelderdiń jaǵdaıyn ortaǵa salyp, tabysyna qaramaı eń tómengi jalaqynyń paıyzyna teń alıment tóleý ádiletsizdik dep esepteıtinin jetkizdi. Ol osy máseleniń júgin kótergen zań jobasyna túzetý engizilýi qajet dep sanaıdy.
Mıtıng 2 saǵatqa sozyldy.
Foto: Álıhan Sarıev