Italııa eliniń Býsto-Arsısıo shaharynda ótip jatqan lısenzııalyq týrnırde burymdy boksshymyz 50 keli salmaǵyndaǵy birinshi jekpe-jegin ótkizdi, dep jazady Egemen.kz.
3 raýnd boıy qarsylasynyń aptyǵyn basyp, alǵashqy eki raýndta qajetti upaıyn alǵan jáne sońǵy raýndty (úsh mınýt) saýatty ótkizgen Alýa Balqybekova chehııalyq Klaýdııa Totovany 5:0 kórsetkishimen jeńdi.
Aıta ketsek, álem chempıonatynyń 2 márte júldegeri Alýa Balqybekova alǵash ret Olımpıada joldamasyna talasyp jatyr.
Otandasymyzdyń kelesi judyryqtasýy 10 naýryzda ótedi.