Jańa týǵan nárestelerdi satý isi boıynsha sottalǵan bes adamǵa qatysty úkim ózgerissiz qaldyryldy, dep habarlaıdy Egemen.kz.
Is materıaldaryna sáıkes, jańa týǵan balalaryn satqany úshin Atyraý turǵyny segiz jylǵa bas bostandyǵynan aıyryldy. Sábılerdi satyp alǵan eki jup shartty túrde sottaldy.
Áıel birinshi erli-zaıyptylarǵa sábıin satty. Ol ekinshi ret júkti bolǵan kezde qursaǵyndaǵy balasyn birden eki erli-zaıyptylarǵa usynady. Olardan 2 mıllıon 300 myń teńge alǵan soń iz-túzsiz joǵalyp ketken. Ol balasyn úshinshi otbasyna satyp úlgergen. Eki balanyń da asyrap alǵan ata-anasy týý týraly kýálikterge óz esimderin jazyp qoıǵan.
«Is sottalǵandar men advokattardyń sot úkimin buzyp, aqtaý úkimin shyǵarýdy suraǵan ótinishteri negizinde qaraldy. Alqa úkimdi ózgertýge nemese joıýǵa negiz tappady», dep habarlady Atyraý oblystyq sotynyń baspasóz qyzmeti.
Birinshi satydaǵy sottyń úkimi ózgerissiz qaldyryldy.