«Aýyl amanatynyń» Atyraý jurtyna kómegi

Vıse-premerge «Edil-Oral» oqý-óndiristik orta­ly­ǵynyń jumysy baıandaldy. Mun­da tehnıkalyq mamandyq meń­gergen túlekterdiń bili­mi men quzyrettik deńgeıi tekse­riledi. Barlyq synaqtan ótken­nen keıin olarǵa kásip­oryndarǵa jumysqa ornalasýǵa múmkindik beretin sertıfıkattar beriledi.

Ortalyq elektr, jeldetý júıeleri, mehanıka men kabel mon­tajdaý, telekommýnıka­sııa sa­la­larynda synaqqa qa­jet­ti qural-jabdyqtarmen jab­dyq­talǵan. Tamara Dúısenova mun­daı uıymdardyń sapaly kadr daıar­laýdaǵy mańyz­dy­lyǵyn atap ótti.

О́ńirde 7 myńǵa jýyq adamdy jumyspen qamtyp otyrǵan «Dáýlet» iri ındýstrııalyq aı­maǵy bar. Munda vıse-premer nazaryna aýyz sý, makaron ónimderin daıyndaýǵa baǵyt­talǵan zaýyttar jumysy usy­nyldy. О́ndiris tolyǵymen avto­mattandyrylǵan. О́nimder Aty­raýdan bólek, elimizdiń ózge óńirlerine de jetkiziledi. Sony­men qatar aımaqta qyzmettik arnaıy kıimder óndiretin tigin sehi jumys isteıdi. Keleshekte áskerılerge qajet bronejılet shyǵarýdy josparlap otyr.

Jumys sapary aıasynda Tamara Dúısenova «Te­ńiz­shev­roıl» JShS basshyly­ǵymen kez­desti.  Kompanııanyń bas dırek­tory Kevın Laıon at­qa­ry­lyp jatqan jumystar men alda­ǵy ýaqytqa jospar­lan­ǵan jo­balar týraly aıtty. О́z kezegin­de vıse-premer óndiris­tegi eń­bekti qorǵaý jáne eńbek qaýip­siz­digi talaptaryn qatań saqtaý máse­lelerine erekshe nazar aýdardy.

О́ńirde Teńizdegi «Keleshek keńeıý jobasynyń» aıaqtalýyna baılanysty qyzmetkerlerdiń jumystan bosatylýy máselesi ózekti. Oblys ákimdigi bergen derekke saı, byltyr jumystan bo­sa­­tyl­ǵandardyń 96%-y áleý­met­­­tik qoldaý sharalarymen qam­­­tyldy. Jartysynan astamy ju­­myspen qamtylsa, ózgeleri­ne áleý­mettik tólemder taǵaıyn­dalyp, bir bóligi oqý kýrstarynan ótti.

«Jumyssyz qalǵan azamat­tarǵa jan-jaqty qoldaý kór­setý  – mańyzdy mindet. Bul rette aımaq ákimdigi múddeli mem­lek­et­tik organdarmen birlese tıis­ti sharalar qabyldaýy qa­jet. Memleket tarapynan ju­myssyz azamattarǵa qatysty túrli jobalar qaras­tyrylǵan. Biliktiligin shyńdaı­myn degen­derge oqý kýrs­tary, óz kási­bin ashqysy keletin­derge jeńildetilgen nesıeler usy­nylady. Azamattarymyzdy qoldaý úshin barlyq múmkin­dikti paıdalanýymyz kerek», dep atap ótti Tamara Dúısenova.

Aıta keteıik, iri óndiris osha­ǵy jergilikti sharýashy­lyq­tar ónimderin tutynýshysy da bola alady. Sondaı-aq kezdesýde aýyl turǵyndarynyń tabysyn arttyrýǵa baǵyttalǵan «Aýyl amanaty» jobasynyń iske asyrylý barysy qaraldy.

Byltyr aımaqqa joba aıasynda 1,5 mlrd teńgege 192 shaǵyn nesıe berildi. Bıyl óńirge 761 mln teńge qarastyrylǵan, onyń aıasynda 83 azamat jeńildetilgen nesıe alady degen jospar bar.

Baǵdarlamaǵa qatysýshy­lardyń biri Tasqala aýylynyń tu­r­ǵyny Qýanysh Iаkýdın aımaq­ta alǵash bolyp, qulpynaı egýdi qolǵa almaq.

«Men kásip ashpas buryn oqý kýrstarynan óttim. Qulpynaı ósirýdiń óz erekshelikteri bar. Son­dyqtan onyń eki túrin egip kórmek­pin. Qaısysy jaqsy ónim beretinin baqylaýym kerek», dep Qýanysh Iаkýdın josparymen bólisti.

Búginde aımaqta 51 jyly­jaı bar. Degenmen olardyń kóbin­de kókónis ósiriledi. Tamara Dúısenova Tasqala tur­ǵynynyń bastamasyna oń baǵa berip, sáttilik tiledi.