Mamandar 15 naýryzda Qazaqstandaǵy sınoptıkalyq jaǵdaı men qaýipti aýa raıy qubylystary týraly boljamdy jarııalady, dep habarlaıdy Egemen.kz.
Sınoptıkterdiń aıtýynsha, atmosferalyq frontaldy bólikterdiń ótýine baılanysty elimizdiń basym bóliginde turaqsyz aýa raıy saqtalady.
«Jaýyn-shashyn, qar jaýady. Túnde Almaty oblysy men Jetisý oblysynyń taýly aımaqtarynda qatty jaýyn-shashyn kútiledi. Tek Qazaqstan Respýblıkasynyń batysy men ońtústik-batysynda antısıklonnyń áserinen jaýyn-shashynsyz aýa raıy saqtalady», dep habarlady «Qazgıdromet» RMK.
Qazaqstan Respýblıkasynda tuman túsip, jel kúsheıedi, soltústikte, shyǵysta jáne ortalyqta qar jaýady, ońtústikte jáne ortalyqta kóktaıǵaq, batysta shańdy daýyl kútiledi.