APAIE halyqaralyq kórmesine qatysty

APAIE – álemniń túkpir-túkpirindegi akademııalyq orta ókilderiniń arasynda bilim men tájirıbe al­ma­sýǵa arnalǵan eń úlken úsh alańnyń biri. Bıylǵy kórmege álemniń 300-den astam jetekshi ýnıversıteti qatysyp, bilim berý múm­kindigin pash etti.

Ulttyq ýnıversıtet APAIE konfe­ren­sııasyna ekinshi ret qatysyp, halyq­aralyq baǵdarlamalary men jobalaryn tanystyrdy. Kórmeni 2 myńnan as­tam delegat tamashala­dy. Ýnıversıtettiń Stra­te­gııalyq damý jónindegi pro­rek­tory Dýman Aıtma­ǵambetov búginde bilim or­da­­synyń halyqaralyq yn­ty­­maq­­tastyqty belsendi da­mytyp, stýdent­ter men oqytýshylar úshin múm­­kindikterdi keńeıtip jat­qanyn aıtty.

– APAIE konferensııa­sy biz úshin óte nátıjeli ótti. Elýden astam jo­ǵar­ǵy oqý orny ókilderimen kelissóz júr­gizip, Japonııa men Sıngapýrdyń je­tek­shi ýnıversıtetterimen yn­ty­maq­tas­tyq baǵyttaryn tal­­qyladyq. Shetel­dik se­riktester aǵylshyn tilin­degi teh­nı­ka­lyq jáne ınjener­lik baǵdar­lama­lary­myzǵa úl­ken qyzyǵýshylyq tanyt­ty. Sonymen qatar biz álemdegi eń úzdik bıznes mek­tep­teri­niń birimen birlesken bilim berý baǵdarlamasyn ázir­leýdi josparlap otyrmyz, – dedi D.Aıtmaǵambetov.

Halyqaralyq konfe­ren­sııaǵa qaty­sý­shylar tu­raq­ty damýǵa, strategııa­lyq seriktestikti keńeıtýge  erekshe nazar ­aýdaryp kele­di. О́tken jyly  L.N.Gýmı­­lev atyndaǵy Eýra­zııa ult­tyq ýnıversıte­ti bilim berý úde­risin Bangkoktaǵy APAIE kór­me­sinde tanystyrǵan bolatyn. So­nyń nátı­jesinde bul aımaqtaǵy bilim orda­larymen yntymaqtastyq damyp, qa­zirgi tańda aka­de­mııalyq utqyrlyq aıasyn­da Taıland, Vetnam jáne bas­qa elder­diń stýdentteri ­EUÝ-da bilim alyp jatyr.

Bekzat QULShAR,

L.N.Gýmılev atyndaǵy EUÝ stýdenti