Semserlesýden Qazaqstan erler quramasy Grýzııa astanasy Tbılısıde ótken álem chempıonatynyń qorytyndysy boıynsha Olımpıada lısenzııasyn jeńip aldy, dep habarlaıdy Egemen.kz.
UOK baspasóz qyzmetiniń habarlaýynsha, bul básekedegi Qazaqstannyń basty qarsylasy sanalǵan Ońtústik Koreıa 1/8 fınalda Chehııa quramasyna jol berip, Qazaqstan komandasynan 26 upaıǵa qalyp qoıdy.
Osylaısha, semserlesýden Qazaqstan quramasy óz tarıhynda tuńǵysh ret komandalyq synda Olımpıada oıyndaryna joldama jeńip aldy.
Álem kýbogi kezeńderiniń qorytyndysy boıynsha, alǵashqy tórt orynda turǵan komanda Olımpıadaǵa tikeleı joldama alady. Japonııa sol tórttik qatarynda Parıjge barý múmkindigin alǵan soń, Azııadaǵy jalǵyz lısenzııaǵa Qazaqstan men Ońtústik Koreıa talasqan bolatyn.
Tbılısıdegi sheshýshi synda Elmır Álimjanov, Rýslan Qurbanov, Erlik Sertaı men Vadım Sharlaımov tórttigi Olımpıadaǵa lısenzııa ıelendi. Álemdik ereje boıynsha, komandalyq synda bir, jekeleı synda úsh joldama Qazaqstan qorjynyna tústi.