Sot oryndaýshylary alımentti májbúrleý arqyly óndiredi. Sondyqtan alımentten jaltarý múmkin emes, dep habarlaıdy Egemen.kz.
Inbusiness.kz jazǵandaı, jýyrda bes jyldan beri alıment tóleýden qashyp júrgen Taraz qalasynyń turǵyny óz erkimen 2 bólmeli páterin qyzyna syıǵa tartty.
Boryshkerdiń jubaıynyń aıtýynsha, burynǵy joldasy 2019 jyldan beri alıment tólemegen. Saldarynan alıment boıynsha bereshegi 5 jylda 1,5 mıllıon teńgege jetken. Bereshekti jýyq ýaqytta óteı almaıtynyn bilgen azamat páterin qyzyna syılaǵandy jón kóripti.
Al jergilikti jeke sot oryndaýshylarynyń sózine súıensek, boryshkermen múlikti óz erkimen qyzyna berý týraly kelisimge kelý úshin 6 aı ýaqyt ketipti. Qazir páterdiń qujattary rásimdelip jatyr.
Jalpy Jambyl oblysy boıynsha sot oryndaýshylarynyń oryndaýyndaǵy 16 361 alıment óndirý týraly atqarýshylyq qujattardyń ishinde 7 879 atqarýshylyq qujat merzimdi oryndaýda. 8069 boryshker óz erkimen tólep jatyr, al alıment boıynsha bereshegi úsh aıdan (alaıda ishinara tólem jasalýda) astam 302 atqarýshylyq qujat bar. 111 problemalyq alıment boıynsha bereshek 134 962 683 teńgeni qurap otyr.