Taıaýda Astana qalasynda «QazTrade» saýda saıasatyn damytý ortalyǵy» AQ men Saýda jáne ıntegrasııa mınıstrliginiń qoldaýymen Qytaı – Qazaqstan saýda-ekonomıkalyq yntymaqtastyǵy jóninde eksporttaýshylardyń ekinshi forýmy ótti.
Is-sharaǵa Sychýan jáne Hýbeı provınsııalary isker toptarynyń ókilderi, onyń ishinde 200-ge jýyq kásipker, salalyq qaýymdastyqtardyń basshylary, eki eldiń memlekettik jáne kvazımemlekettik sektorlarynyń ókilderi qatysty.
Eksport máseleleri boıynsha paneldik sessııany ashylý kezinde «QazTrade» AQ bas dırektory Jeńis О́serbaı otandyq taýar óndirýshilerdiń joǵary áleýetin atap ótkeni bar. Onyń aıtýynsha, Qytaı naryǵynyń taýarlarǵa degen qajettiligi orasan zor. Jyl saıyn Qytaı provınsııalary bizdiń naryqqa kóbirek qyzyǵýshylyq tanytýy, muny saýda kólemi dáleldep otyrǵandyǵyn atady.
Eki el arasyndaǵy taýar aınalymy ótken jyldyń qorytyndysy boıynsha rekordtyq kórsetkishte: 31,5 mlrd AQSh dollaryn quraǵan.
«Qytaımen ózara is-qımyl – álemdegi eń iri ınvestorlar men jetekshi ekonomıkalardyń biri Qazaqstan úshin turaqty progress ári saýda-ınvestısııalyq áleýetti iske asyrýdyń uzaq merzimdi faktory. Byltyr biz Qytaı naryǵyna erkin eksporttaı alatyn agroónimder tizbesin keńeıttik», deıdi Saýda jáne ıntegrasııa mınıstri Arman Shaqqalıev.
Sonymen qatar otandyq kásiporyndar 135 taýar túri boıynsha 1 mlrd AQSh dollary kóleminde Qytaıǵa ónerkásiptik jáne aýylsharýashylyq ónimderiniń keń assortımentin jetkizýge múmkindik aldy.
«Biz Qytaıdyń eń iri 3 provınsııasynyń quramyna kiretin Sychýan provınsııasymen belsendi jumys júrgizýdi bastadyq. Búginde Qazaqstan men atalǵan provınsııa arasyndaǵy saýda shamamen 230 mln AQSh dollaryn quraıdy, onyń ishinde Qazaqstan 45 mln AQSh dollaryna ónim eksporttaıdy», dep otyr mınıstr.
Ol sondaı-aq 40-tan astam otandyq kompanııalardyń qatysýymen Chendýdaǵy sońǵy saýda mıssııasy Qytaı naryǵyna suranys pen bizdiń taýarlar úshin eksporttyq múmkindikterdiń aýqymyn kórsetkenin atap ótti.
Sychýan provınsııasy astyq, kondıterlik jáne maı ónimderi men sýsyndarǵa qosa, basqa da taýarlardy keń kólemde satyp alýǵa daıyn.
Forým aıasynda «QazTrade» AQ men Qytaıdyń halyqaralyq saýdaǵa járdemdesý jónindegi keńesi (Sychýan keńesi), sondaı-aq Hubei Enterprise International Cooperation of China qaýymdastyǵy arasynda, Orbis Kazakhstan kompanııalar toby Sichuan Kaiyi International Co., Ltd kompanııasymen yntymaqtastyq týraly memorandýmdarǵa qol qoıdy.
Budan ózge, «Azyq-túlik korporasııasy» AQ jáne Jinmaisui Group Gangwei otandyq aýyl sharýashylyǵy ónimderin ótkizý maqsatynda ózara kelisimge kelgeni bar.
Eksporttaýshylar forýmy aıasynda B2B formatynda ekijaqty kelissózder júrgizý nátıjesinde Qazaqstan men Qytaı elderiniń bıznes ókilderi jalpy somasy 164,5 mln AQSh dollaryn quraıtyn taýarlardy jetkizý shartyn jasasty.