Oral qalasynyń ákimi Mırjan Satqanovqa qatań sógis jarııalandy. Buǵan sý tasqyny kezeńine daıyndyqtyń nasharlyǵy sebep boldy, dep habarlaıdy Egemen.kz Batys Qazaqstan oblysy ákimdiginiń baspasóz qyzmetine silteme jasap.
BQO ákimi Narıman Tóreǵalıev sý tasqynyna qarsy is-sharalar jónindegi oblystyq jedel shtab otyrysyn ótkizdi.
«Sizder sý tasqynyna daıyn bolmadyńyzdar. Tipti qala ákimdiginiń ǵımaraty da sýǵa batty. Munyń bári jaýapsyzdyqty kórsetedi. Keshe-búgin qalany araladym, keıbir shaǵynaýdandarda men kelgende jumys endi ǵana bastalyp jatyr. Oral ákimine qatań sógis jarııalaımyn. Qala men aýdandar kúsheıtilgen rejımde jumys isteýi kerek. Jaǵdaıdy táýlik boıy baqylaýda ustańyzdar», dep eskertti oblys ákimi.