Almaty ákimi Erbolat Dosaev Jetisý aýdany ákiminiń orynbasary para alǵany úshin úkim shyǵarylǵannan keıin ákimdik quramy aýysa ma degen suraqqa jaýap berdi, dep habarlaıdy Egemen.kz.
Aqpan aıynda Almatyda Jetisý aýdany ákiminiń orynbasary 14 mıllıon teńge para alǵany úshin alty jylǵa bas bostandyǵynan aıyrylǵan edi. Osyǵan oraı almatylyq turǵyn Erbolat Dosaevpen kezdesýde «Jetisý aýdany ákimdiginiń basshylyǵy aýysa ma?» dep surady.
«Ákim orynbasary zańǵa sáıkes jaýapkershilikke tartyldy, qalǵan máseleler memlekettik qyzmet týraly zańǵa sáıkes sheshiletin bolady», dep jaýap berdi ákim.
Almaty turǵyny qala ákiminen «bul máselelerdi kim sheshedi?» dep suraǵanda Dosaev: «Men sheshemin», dep jaýap berdi.