Búgin Senat «2000 jylǵy 7 shildedegi Qazaqstan Respýblıkasynyń Úkimeti men О́zbekstan Respýblıkasynyń Úkimeti arasyndaǵy Azamattardyń ózara saparlarynyń sharttary týraly kelisimge ózgerister engizý týraly hattamany ratıfıkasııalaý týraly» zańdy maquldady, dep habarlaıdy Egemen.kz.
2000 jylǵy 7 shildedegi Qazaqstan Respýblıkasynyń Úkimeti men О́zbekstan Respýblıkasynyń Úkimeti arasyndaǵy Azamattardyń ózara saparlarynyń sharttary týraly kelisimge ózgerister engizý týraly hattamaǵa Memleket basshysynyń Tashkent qalasyna sapary sheńberinde 2022 jylǵy 22 jeltoqsanda qol qoıylǵan.
Zańnyń maqsaty eki memleket arasyndaǵy dostyq qatynastardy odan ári damytý, olardyń azamattarynyń saparlaryn retteý, sondaı-aq bir memleket azamattarynyń ekinshi memlekettiń aýmaǵynda bolýy úshin qolaıly jaǵdaılar jasaý úshin quqyqtyq negiz qurý bolyp tabylady.
«Qazaqstan men О́zbekstan memleketteri arasynda berik baýyrlastyq qarym-qatynas qalyptasqan. Elderimiz qol qoıǵan máńgilik dostyq týraly jáne odaqtastyq týraly sharttar sonyń aıqyn dáleli. Búgin qaralǵan Hattama eki el azamattaryna ózara saparlaryn júzege asyrýda qosymsha ońtaıly quqyqtyq jaǵdaılar ornatýdy kózdeıdi. Jalpy maquldanǵan zań tatý kórshilik qarym-qatynasty odan ári nyǵaıtýǵa óz úlesin qosady dep senemiz», dedi Senat tóraǵasy Máýlen Áshimbaev.
Hattamada, eger Taraptar memleketteri (Qazaqstan men О́zbekstan) azamattarynyń bolý kezeńi Tarap memleketiniń Memlekettik shekarasyn kesip ótken kezden bastap kúntizbelik 30 kúnnen aspaıtyn bolsa, quzyretti organdarda tirkeýsiz olardyń aýmaqtarynda bolýynyń ońaılatylǵan tártibi kózdeledi. Osylaısha, eki memleket te óz azamattarynyń ekinshi Tarap memleketiniń aýmaǵynda bolýynyń ózara merzimin ýaqytsha tirkeýsiz kúntizbelik 5 kúnnen 30 kúnge deıin ulǵaıtty.