Elordanyń Saryarqa aýdanynda eki jańa bazardyń qurylysy júrip jatyr. Jalpy ınvestısııa kólemi 10 mlrd teńgeni qurady, dep habarlaıdy Egemen.kz.
Qalalyq Investısııalar jáne kásipkerlikti damytý basqarmasy basshysynyń orynbasary Maqsat Jańabaevtyń aıtýynsha, bazarlar jeke aqshaǵa salynyp jatyr. Paıdalanýǵa berý 2025 jylǵa josparlanǵan.
Ol saýda ınfraqurylymyn damytý aıasynda quny 180 mlrd teńgeden asatyn 10 joba (saýda ortalyqtary, qoıma keshenderi, kókónis saqtaý qoımalary) júzege asyrylyp jatqanyn aıtty. Mysal retinde Maqsat Jańabaev paıdalanýǵa berilgen aýmaǵy 10 myń sharshy metr jáne kez kelgen sanattaǵy 700 myńǵa deıin ártúrli taýarlardy (tamaqtan bastap elektronıka men qurylys materıaldaryna deıin) saqtaýǵa múmkindigi bar «Ozon» logıstıkalyq ortalyǵyn atap ótti.
«Sonymen qatar, syıymdylyǵy 150 myń sharshy metrdi quraıtyn, quny 47 mıllıard teńgege jýyq osyndaı keshen qurylysyna Wildberries kompanııasyn tartý jumystary júrgizilip jatyr. Bul sharalar elordada elektrondy kommersııany damytýǵa yqpal etedi», dedi Maqsat Jańabaev qalalyq kommýnıkasııalar qyzmetinde ótken brıfıng barysynda.