Almatydaǵy shańdy daýylǵa baılanysty qalalyq tótenshe jaǵdaı departamenti kúsheıtilgen jumys rejımine kóshti, dep jazady Egemen.kz.
«Tótenshe jaǵdaılar qyzmetiniń kúshteri men quraldary joǵary ázirlik jaǵdaıynda kúsheıtilgen kezekshilik túrine aýystyryldy, jedel top jumys istep jatyr», delingen mekeme taratqan habarlamada.
TJD erteń Almaty qalasynda nóser jańbyr jaýyp, naızaǵaı oınaıtynyn, qatty jel soǵatynyn eskertti.
«Sizderden jeke qaýipsizdik sharalaryn saqtaýdy jáne taýǵa barýdan bas tartýdy qatań túrde eskertemiz. Saq bolyńyz! О́zińizge jáne jaqyndaryńyzǵa abaı bolyńyz! Daýyldy eskertý habarlansa, taýǵa barýdy aýa raıy jaqsarǵansha keıinge qaldyrǵan durys», dedi Tótenshe jaǵdaılar departamentiniń ókilderi.
Qalalyq TJD shańdy daýyl kezinde ǵımarattarǵa zaqym kelmegenin qosa málimdedi.