QR Sý resýrstary jáne ırrıgasııa mınıstrligi sý qoımalaryna sý jınaý týraly aqparat usyndy, dep habarlaıdy Egemen.kz.
Kóktemgi sý tasý kezeńinde Sý resýrstary jáne ırrıgasııa mınıstrliginiń negizgi mindeti - sý qoımalaryna tasqyn sýyn jınaý. Ol úshin aldyn ala respýblıkalyq menshiktegi barlyq sý qoımalarynda tasqyn sýyn qabyldaý úshin bos oryn daıyndaldy.
Qazirgi ýaqytta barlyq sý qoımalary sý jınaý tártibinde jumys istep jatyr.
«Elimizdiń soltústiginde iri sý qoımalary orta eseppen 68%-ǵa toldy, bul ótken jylmen salystyrǵanda 7%-ǵa artyq. Ońtústikte bul kórsetkish 80%-dy quraıdy. Batysta, orta eseppen sý jınaý kórsetkishi 71%, bul byltyrǵyǵa qaraǵanda 6%-ǵa kóp», delingen mınıstrlik habarlamasynda.
Sondaı-aq Shyǵystaǵy sý qoımalary orta eseppen 60%-ǵa toldy, bul bir jyl burynǵydan 9%-ǵa artyq. Ortalyq Qazaqstanda bul kórsetkish 66%-dy qurady.