Jańa joba – «Qazaq Culture»

Spıkerler Mádenıet jáne aqparat mınıstrliginiń aqparat­tyq-tanymdyq platformasyn qurý­daǵy basty maqsaty – eldiń má­de­nı murasyn nasıhattaý, ult­tyq brendti tanytý ekenin atap ótti. Bul saıt qazaq mádenıeti men tarıhy týraly tyń málimet taratatyn aqparat kózi bolatynyn sóz etti.

Aıta keteıik, saıttyń qury­lýy elimizdiń mádenı murasy men alýan túrliligine álemdik qoǵamdastyqtyń nazaryn aýda­rý­daǵy mańyzdy qadam bolyp otyr. Elimizde, sondaı-aq ja­qyn jáne alys shetelderde má­denı qundylyqtardy nasıhat­taý – Memleket basshysynyń sala aldyna qoıǵan basym baǵyttarynyń biri bolyp qala beredi.

Elimizdegi mádenı muranyń san túrliligin kórsetetin aýqym­dy joba BUU-nyń alty resmı tilin­de jáne qazaq, túrik tilderinde aqparat taratady. Aqparat­tyq portalda elimizdiń biregeı muraǵat qorynyń derekteri erekshe oryn alady. Qujattar men muraǵat materıaldarynyń baı tarıhı jınaǵyna qol jetkizýdi qamtamasyz etetin bólim – zertteý­shiler, tarıhshylar úshin baǵa jetpes resýrs bolmaq.

Saıttyń negizgi bólimi – el­degi, álemdegi barlyq mádenı ja­ńa­lyqtardan habardar ete­tin jańalyqtar blogi. Bul bó­lim­de qyzyqty festıvaldar, jár­meńkeler, konkýrstar, son­daı-aq teatr qoıylymdary men otan­dyq kınokartınalardyń premeralary, tanymal jáne jas jazýshylar kitaptarynyń tu­saý­keserleri, kórkem kórmeler, mereıtoılyq merekeler, túrli kólemdegi óńirlik jobalar jarııa­lanatyn bolady.

Sondaı-aq platformada eli­mizdiń óneri men mádenıetindegi soń­ǵy jańalyqtar qamtylatyn otan­dyq mobıldi qosymshalar týraly aqparat beriledi. «Qazaqstan mádenıeti jasandy ın­tellekt prız­­masy arqyly» bólimi vırtýal­dy shyndyq ar­qyly barlyq óńir men olar­dyń kórikti jerlerin zertteýge múmkindik beredi. Portalda aq­parattyq tehnologııalarǵa erekshe mán berilgen. «Qazaq Culture» vırtýaldy 3D-týrlary arqasynda elimizdiń túrli óńirlerine sapar shegip, olardyń kórikti jer­lerin kórýge bolady. Al ja­san­­dy ıntellekttiń kómegimen saıt­qa kirgen ár qonaq fotosýretin en­gi­zip, ózin batyr nemese Uly dala ja­ýyngeri beınesinde kóre alady.

Saıtty daıyndaý barysynda sheteldik ozyq tájirıbeler paıdalanyldy. Atap aıtqanda, tirkelip, jazylý arqyly týrıster belgili bir qalanyń nemese jalpy eldiń kez kelgen mýzeılerine (Túrkııa tájirıbesi) bara alatyn biryńǵaı bıletti onlaın rásimdeý qarastyrylǵan.

Saıttyń basty ereksheligi – deldaldar qyzmeti úshin artyq qarjy jumsamaı, barlyq mádenı nysandarǵa kiretin biryńǵaı bılet júıesi. Bul qyzmetti qosý arqyly «Astana Hab» Aıtı akse­le­ratorynyń startapyn qol­daý kózdelgen. Portal qoldaný­shy­laryna yńǵaıly bolý úshin belgili bir mádenı is-sharanyń bıletin satyp alýǵa silteme beriledi.

Qysqasha aıtqanda, «Qazaq Culture» – elimizdiń mol mádenı murasy men tereń tarıhyna qy­zy­ǵýshylyq tanytatyndarǵa ámbe­­bap qural bolmaq.