2024 jyldyń 2 sáýirinde ótken Úkimet otyrysynda Ekologııa jáne tabıǵı resýrstar mınıstri Erlan Nysanbaev 15 naýryzdan beri «Qazgıdromet» 100-den astam daýyldy eskertý jarııalaǵanyn, biraq ákimdikter olardy elemegenin aıtty, dep habarlaıdy Egemen.kz.
«Jeltoqsan aıynyń ózinde óńirler bólinisinde sý tasqyny qaýpi bar ýchaskeler aıqyndalyp jeltoqsan, aqpan jáne naýryz aılarynyń basyndaǵy boljamdarda kórsetildi jáne ákimdikter men ortalyq organdarǵa joldandy. Alaıda ákimdikter boljamǵa qajetti deńgeıde nazar aýdarmady, osy sebepti sý tasqyny qaýpine tıisti baǵa berilmedi jáne aldyn alý sharalary qabyldanbady», dedi mınıstr Úkimet otyrysynda.
Onyń aıtýynsha, sý tasqyny qateri áli de bar.
«Búgingi tańda Qazaqstannyń qar basqan aýmaǵy 27%-dy quraıdy. Qazaqstannyń jazyq aýmaǵyndaǵy ózenderdiń barlyq basseınderindegi ylǵal qorynyń kólemi azaıdy. Eń úlken sý tasqyndary Aqtóbe, Batys Qazaqstan oblystarynyń jáne Qostanaı oblysynyń ońtústik bólikteriniń ózenderinen ótip jatyr, biraq sý tasqyny qaýpi saqtalady. Shyǵys Qazaqstan, Abaı, Qaraǵandy, Ulytaý, Aqmola, Soltústik Qazaqstan oblystary jáne Qostanaı oblysynyń soltústik jartysyndaǵy ózenderde sý deńgeıiniń kóterilýi jáne qaýipti belgilerden asýy baıqalady», dedi Nysanbaev.