Almaty oblysy men Qytaı Halyq Respýblıkasynyń ekonomıkalyq áriptestigi jaqsy nátıje kórsetip keledi. Elder arasyndaǵy taýar aınalymynyń artýy, birlesken tranzıttik jobalardy júzege asyrýy, ınvestısııalyq túrli kelisimderge qol jetkizý – taraptar arasyndaǵy baılanystardy bekemdep, jańa deńgeıge kóterdi. 2023 jyldyń qorytyndysy boıynsha eki el arasyndaǵy taýar aınalymy 1,1 mlrd dollar boldy. Bul týraly Almaty oblysynyń ákimi Marat Sultanǵazıev Shyńjań-Uıǵyr avtonomııalyq aýdanynan (ShUAR) kelgen delegasııamen resmı kezdesýde málimdedi.
О́ńir basshysy oblysta ekonomıkalyq baılanystardy jańǵyrtý jáne nyǵaıtý baǵytynda júrgizilip jatqan jumystardyń belsendi ekenin atap ótti.
«Kommersııalyq aınalymdy odan ári arttyrý maqsatynda «Qaljat qurǵaq porty» dep atalatyn halyqaralyq sıfrly kóliktik-logıstıka habyn engizý josparlanyp otyr. Logıstıka men saýda salasyndaǵy bıznesti damytýǵa arnalǵan zamanaýı alań salý jobasyna jergilikti ınvestorlar da qyzyǵýshylyq tanytyp úlgerdi. Bul joba Qytaıdan júk tasymaldaýdy ulǵaıtyp, kóliktik jáne aýystyryp tıeý qyzmetin atqaratyn mańyzdy alań bolmaq», dedi oblys ákimi Marat Sultanǵazıev.
Sondaı-aq ol óńirdegi halyqaralyq qatynastardy damytýdaǵy eleýli progresti atap ótti. Aıtýynsha, tabys ekonomıkanyń túrli salasynda ınvestısııalyq jobalardy iske asyrýmen baılanysty.
«Birlesken ınvestısııalyq jobalardy iske asyrý ekonomıkalyq ósýge ǵana emes, sheteldik áriptestermen baılanysty nyǵaıtýǵa da yqpal etedi. Osynyń arqasynda bizdiń óńirimiz ártúrli eldiń ınvestorlary men kásipkerleri úshin barǵan saıyn tartymdy bola túsýde, bul jalpy órkendeý men damýǵa yqpal etedi», dep atap ótti óńir basshysy.
Shyńjań-Uıǵyr avtonomııasy halyq úkimetiniń tóraǵasy Erkın Týnııaz Qazaqstan men ShUAR arasyndaǵy saýda, ónerkásip, kólik, logıstıka, aýyl sharýashylyǵy jáne týrızm sııaqty túrli saladaǵy tabysty yntymaqtastyqqa erekshe toqtaldy. Birlesken ınvestısııalyq jobalardy júzege asyrý boıynsha Almaty oblysy men ShUAR yntymaqtastyǵynyń bolashaǵyna zor senim bildirdi.
«Almaty oblysy – Qazaqstannyń negizgi kólik joldarynyń qıylysynda ornalasqan iri ólkesi. Logıstıka men saýdanyń qarqyndy damýyna yqpal etetin strategııalyq ortalyq. Almaty qalasy men Qytaı shekarasynyń jaqyn ornalasýy bul aımaqtyń mańyzdy kólik toraby ǵana emes, sonymen qatar júk jáne jolaýshy tasymalyn ulǵaıtýdaǵy qýatty katalızatory ekenin kórsetedi. Bul óńirler arasyndaǵy tıimdi baılanysty qamtamasyz etip, aımaqtyq deńgeıde de, ulttyq deńgeıde de ekonomıkalyq damýǵa septigin tıgizedi», dedi Erkın Týnııaz.
Kezdesý sońynda Erkın Týnııaz ekonomıkanyń túrli salasyndaǵy ekijaqty yntymaqtastyqtyń nyǵaıa túsetinin, sondaı-aq buryn qol jetkizilgen kelisimderdiń júzege asatynyn aıryqsha atady.
Almaty oblysy