Ulytaý oblysy prokýratýrasynyń Sotqa deıingi tergep-tekserý basqarmasy Qaraǵandy jáne Ulytaý oblysy boıynsha №62 Mekeme jáne Ulttyq ulan №6505 áskerı bóliminiń qyzmetkerleri sottalǵandardy azaptaǵanyn anyqtady, dep jazady Egemen.kz.
Mekemeniń 7 jáne Áskerı bólimniń 4, jalpy 11 qyzmetkeri №62 mekemesinde jazasyn ótep jatqan 11 sottalǵandy kemsitý jáne sol mekemede jazasyn ótep jatqan basqa da sottalǵandardy qorqytý maqsatynda kúsh qoldanyp, azaptaǵan.
Laýazymdy tulǵalar mundaı áreketke ózderiniń qylmystyq isin jasyrý úshin barǵan. Sondaı-aq olar bul áreketin basshylyqqa tártipke baǵynbaǵany úshin jasaldy dep baıandaǵan.
Tergeý barysynda kúdiktilerge bultartpaý sharalary qoldanylyp, tergeý sotymen olar laýazymdarynan ýaqytsha shettetildi. Osy jyldyń 26 naýryzynda is sotqa joldandy.