Búgin saǵat 15:00-degi jaǵdaı boıynsha aýa raıynyń jylynýy jáne qardyń tez erýi saldarynan respýblıkalyq mańyzy bar avtomobıl joldarynyń birneshe ýchaskesinde sý tasqyny bolyp, birneshe jol bólikterinde qozǵalysqa shekteý engizildi, dep habarlaıdy Egemen.kz.
«QazAvtoJol» málimetinshe, qazirgi ýaqytta respýblıkalyq joldarda 722 birlik tehnıka men 1787 adam jumyldyrylǵan.
3 oblysta (Atyraý, Qaraǵandy, Qostanaı) 6 jol júrý ýchaskesinde jalpy uzyndyǵy 955 metr bolatyn sý tasqyny boldy. 4 oblystaǵy (Aqtóbe, Atyraý, Qostanaı, Pavlodar) respýblıkalyq mańyzy bar 5 avtomobıl joldarynda (uzyndyǵy 336 km) qozǵalysqa shekteý qoıyldy.
Osylarǵa qosa, shuǵyl aqparat kelip jetti. Habarlamada: «4 sáýirdegi saǵat 16:00 shamasynda erigen qar sýy saldarynan Mańǵystaý oblysy «Dossor-Qulsary-Beıneý-Saıótes-Shetpe-Jetibaı-Aqtaý» avtojolynyń 210-220 shaqyrymynda (Atyraý oblysynyń shekarasy-Boranqul aýyly ýchaskesi) kólik quralynyń barlyq túri úshin qozǵalysqa shekteý qoıyldy», delingen.