Joldy qalpyna keltirýge kiristi

Pavlodar oblysynyń Ertis aýda­nyndaǵy Uzynsý aýly­na tóngen sý tasqyny qaýpi «Ata­meken – Ertis – Rýsskaıa polıana» avtojolyndaǵy qozǵa­lys­ty shekteýge májbúrledi. Jergilikti atqa­rýshy organnyń sheshimimen joldyń 207 shaqyrymynda erigen qar sýyn ótkizý úshin jol ýchaskesin buzýǵa týra keldi. Sondyqtan Panfılov aýlynan Reseı shekarasyna deıingi 194–263 shaqyrym aralyǵynda kóliktiń barlyq túri­niń qozǵalysyna shekteý qoıyl­dy. Qaýipsiz jol qozǵalysyn qam­tamasyz etý maqsatynda táýlik boıy baqylaý ornatyldy. 

Keıingi kúnderi halyqaralyq jáne respýb­lıkalyq mańyzy bar avtomobıl joldarynda da tasqyn sýdyń qaýpi kúsheıgen. Aýa raıynyń kúrt jylynýy men qardyń tez erýiniń saldarynan Abaı, Batys Qazaqstan, Qaraǵandy, Qostanaı, Ulytaý oblystarynda 5 jol júrý ýchaskesinde jalpy uzyndyǵy 940 metr bolatyn telimderdi tasqyn sý basqan. Atalǵan 5 oblystaǵy respýblıkalyq mańyzy bar 5 avtomobıl jolynda uzaqtyǵy 249 shaqyrym bolatyn telimderde qozǵalysqa shekteý qoıyldy. Qazir respýblıkalyq joldarda 252 birlik tehnıka men 280 adam jumyldyrylǵan.

Aqmola oblysyndaǵy «Ma­kınsk – Aqsý – Torǵaı» tasjo­lynyń 24-shaqyrymyndaǵy Sáýle kentin­de de jol shetinde erigen qar sýy­nyń tasqyny anyqtaldy. Onyń uzyndyǵy 15 m-di, al bıiktigi 5 sm-di quraǵan. Ol jerde sý tasqynynyń aldyn alý, jol belgilerin ornatý, dabyl belgisheleri qoıyldy. Áıtse de, qozǵalysqa shekteý qoıylǵan joq. Atalǵan jumysqa 6 birlik tehnıka men 11 adam jumyldyryldy. Jalpy, oblystyń Qosshy, Jibek joly, Atbasar eldi mekenderinde «QazAvtoJol» UK» AQ mamandary erigen qar sýynyń aldyn alý maqsatynda jumys istep jatyr. Sharaǵa 27 birlik arnaıy tehnıka tartylǵan.

Batys Qazaqstan oblysynyń aýmaǵyndaǵy respýblıkalyq ma­ńyzy bar «Podstepnoe – Fedo­rovka – Reseı shekarasy» tas­jolynyń 35-shaqyrymynda erigen qar sýynyń saldarynan jol tósemin sý buzdy. Mamandar dereý shara qabyldap, ınertti materıaldardy tósep, jóndeý jumystaryna 20 maman men 14 tehnıka shaqyrylyp, joldy qalpyna keltirdi. Qazir kólikter úshin qozǵalys qaıta ashylǵan.

Sońǵy aqparatqa sáıkes res­pýb­lıkalyq mańyzy bar avtomobıl joldarynda Abaı, Aqmola, Qaraǵandy, Qostanaı oblys­ta­rynyń aýmaǵynda 4 jol ýchaskesinde sý tasqyny boldy. Atalǵan 4 oblystaǵy 4 avtomobıl jolynda uzaqtyǵy 216 km bolatyn telimderdegi qozǵalysqa shekteý qoıyldy. Qazirgi ýaqytta respýblıkalyq joldarda 696 birlik tehnıka men 1 618 adam buzylǵan joldardy qalpyna keltirý jumys­ta­rymen shuǵyldanyp jatyr.

Oǵan qosa Aqmola men Qostanaı obly­synda 2 jol júrý ýchaskesinde jalpy uzyn­dy­ǵy 109 metr bolatyn telimdi sý  basyp qalǵan. Al Aqtóbe, Qaraǵandy, Qos­ta­naı, Pavlodar oblystaryna tıesili res­pýb­lı­ka­lyq mańyzdaǵy 4 avtomobıl jolynda (uzyndyǵy 196 km) kólik qozǵalysy toq­ta­tyl­dy. Respýblıkalyq joldarda 283 birlik teh­nıka men 319 adam tasqyn sý zardabyn qal­pyna keltirýmen aınalysyp jatyr.