Qostanaıdan Tobyl qalasyna qaraı shyǵatyn úsh kópirdiń ekeýi jabyldy.
«Qurmetti Qostanaı oblysynyń turǵyndary men qonaqtar! Sý tasqyny jaǵdaıyna baılanysty «Koreı» kópiri men KJBI kópiri arqyly kóliktiń barlyq túrleri úshin qozǵalys shekteldi.
Qostanaı qalasy men Qostanaı aýdany arasyndaǵy negizgi qozǵalys aǵyny ortalyq kópir arqyly júzege asyrylady. Osyǵan baılanysty atalǵan kópirde kólik keptelisi bolyp, avarııalyq jáne qutqarý jumystaryn atqaryp jatqan arnaıy tehnıkalardyń jumysyna kedergi keltirip jatqan jaıttar bolyp otyr. Aldaǵy eki kún boıy ortalyq kópir arqyly qozǵalysty shekteýdi suraımyz. Bıznes ókilderinen óz qyzmetkerlerin qashyqtan jumysqa aýystyrýdy, sondaı-aq marshrýtty aldyn ala josparlaýdy jáne resmı habarlamalardy qadaǵalaýdy suraımyz», dep habarlady jedel shtab.
Qostanaı oblysy