Qarǵyn sýdan zardap shekken oblystardyń ákimderi Prezıdentke qazirgi ahýal jaıynda, tabıǵı apatpen kúresý jáne sý tasqynynyń zardaptaryn joıý maqsatynda qabyldanǵan sharalar jóninde esep berdi, dep habarlaıdy Egemen.kz Aqordanyń baspasóz qyzmetine silteme jasap.
Aımaq basshylarynyń aıtýynsha, jalpy jaǵdaı jiti baqylaýda, tabıǵı apatpen kúresý úshin adam kúshi de, tehnıka da jetkilikti.
Aıta keteıik, Prezıdenttiń tapsyrmasymen Respýblıkalyq shtabqa jetekshilik etetin Premer-mınıstr Oljas Bektenov bastaǵan Úkimet músheleri sý tasqynynan zardap shekken aımaqtarǵa jiberilgen edi. Azamattardyń qaýipsizdigin qamtamasyz etý baǵytynda aýqymdy jumys atqarylyp jatyr.