Sý tasqyny kesirinen úılerinen aıyrylyp qalǵan azamattar endi áýe kompanııalaryna shaǵymdanyp júr. Másele - bılet quny. Sý tasqyny jaǵdaıy kúrdeli bolyp turǵan oblystarda áýe bıletteriniń baǵasy sharyqtap tur. Bul týraly áleýmettik jeli qoldanýshylary ózderiniń paraqshasynda jazdy, dep habarlaıdy Egemen.kz.
Máselen, Atyraýdan Aqtaýǵa ushaqpen jetkisi kelgen jolaýshylar bir bılet úshin 170 780 teńge tóleýge májbúr.
Atyraý-Astana baǵyty boıynsha ushatyn reısterge de bılet quny jaǵa ustatyp otyr.
Qarǵyn sý basqan oblystardan týystaryn alyp ketpekshi bolǵan adamdar jappaı shaǵymdanyp jatyr.
«Bizge jaýdyń keregi joq, ózimizdi ózimiz qurtamyz. Aqtóbe oblysynan týystarymyzdy alyp keterde osyndaı qıyndyqtarǵa tap boldyq...
Jaý jaǵadan alǵanda, bóri etekten alady. Atyraýym aman bolsyn. Qajettilik týyndasa, Mańǵystaý halqy 1000 shaqyrymnan da tegin ózi tasyp alady. Kúnimizdi Air Astana men Ssat-qa túsirmesin…», dep jazdy jeli qoldanýshylary.
Osy oraıda Air Astana áýe kompanııasynyń baspasóz qyzmeti skrınshottarda kórsetilgen baǵalarǵa qatysty túsinikteme berdi.«Atalǵan sýretterde Atyraýdan Almatyǵa, Astanaǵa nemese Aqtaýǵa ushatyn áýebıletteriniń quny kórsetilgen, alaıda ol jerde Ystanbýl arqyly ushatyn bir nemese eki transferi bar reıster usynylǵan, al segmentterdiń birinde bıznes-klass bıletteriniń baǵasy shyqqan. Mundaı skrınshottar jurtty jańylystyryp jatyr. Bılettiń naqty qunyn bilý úshin jolaýshylardan áýekompanııanyń tek resmı saıtynda nemese Air Astana kosymshasynda ekonom-klastyń tikeleı reısterin tańdaýdy suraımyz», dep habarlady áýekompanııanyń baspasóz qyzmeti.
Qosymsha aqparatty help.airastana.com saıtynan nemese tómendegi baılanys nómirleri arqyly bile alasyzdar:
8+7 727 244 4477 (24/7) +7 7172 584477 (24/7) 8+7702 702 4477 (24/7) 6+77059274477 (24/7) WhatsApp: +7 702 702 00 74 (24/7) Online chat: airastana.com (24/7) 311