Memleket basshysy Qasym-Jomart Toqaev oblystar men qalalardyń ákimderine aýmaqtardy abattandyrý, kógaldandyrý boıynsha birqatar tapsyrma berdi, dep jazady Egemen.kz Aqorda baspasóz qyzmetine silteme jasap.
Memleket basshysy cý tasqynyna ushyramaǵan oblystar men qalalardyń ákimderine kóshelerdi tazartý, kógaldandyrý jáne eldi mekenderdiń aýmaqtaryn abattandyrý naýqanyn bastaýdy tapsyrdy. Sonymen qatar joldardy retke keltirý mindeti júkteldi.
Qasym-Jomart Toqaev bul jumystarǵa turǵyndar men eriktilerdi turaqty túrde tartý mańyzdy ekenin atap ótti. Prezıdenttiń aıtýynsha, eldi mekender men qoǵamdyq demalys oryndaryn kútip-baptaý ákimder qyzmetin baǵalaýdyń taǵy bir ólshemi bolmaq.
«Jalpy, óńirlerdiń basshylary qalalardy laıyqty jáne tartymdy jaǵdaıda ustaý mádenıetin engizýi kerek», delingen Aqorda habarlamasynda.