Qazaqstannyń tórt oblysynda respýblıkalyq tas joldardyń segiz ýchaskesin erigen sý basty. Sondaı-aq elimizdiń alty oblysynda kólik qozǵalysyna shekteý qoıyldy. Bul týraly búgin, 10 sáýirde «QazAvtoJol» UK» AQ habarlady, dep jazady Egemen.kz.
«2024 jylǵy 10 sáýirdegi saǵat 09:00-degi jaǵdaı boıynsha halyqaralyq jáne respýblıkalyq mańyzy bar avtomobıl joldarynda aýa raıynyń jylynýy men qardyń tez erýi saldarynan 4 oblystaǵy (Aqmola, SQO, Atyraý, Qostanaı) 8 jol júrý ýchaskesinde sý tasqyny boldy», delingen vedomstvo habarlamasynda.
Sonymen qatar 6 oblystaǵy (Aqtóbe, Aqmola, Atyraý, Qostanaı, Mańǵystaý, SQO) respýblıkalyq mańyzy bar 14 avtomobıl jolynda (uzyndyǵy 626 km) qozǵalysqa shekteý qoıyldy.
Qazirgi tańda respýblıkalyq joldarda 365 birlik tehnıka men 701 adam jumys istep jatyr.