Qostanaı oblystyq tarıhı-ólketaný mýzeıinde HIH ǵasyrdyń alǵashqy shıreginen aman jetken qyl ishekti narqobyz saqtaýly tur.
Kóne aspaptyń shanaǵy qaraaǵashtan, keıbir bólikteri tobylǵydan jasalǵan. Shanaǵy úlken, betki jaǵy ashyq, tómengi jaǵy kónterimen qaptalǵan, joǵarǵy jaǵynda órnektelgen temir qańyltyry bar. Ortasynda kúreń qyzyl tústi matasy, basynda eki súıek japsyrmasy bar. Shanaq pen moıynnyń birikken tusyna aqyq tas qondyrylǵan.
«Narqobyz atadan balaǵa otbasylyq mura retinde saqtalyp kelgen. Qobyzdyń ıesi – 1890 jyly dúnıege kelgen, noǵaıtileý rýynan shyqqan Nurǵalı Kúzembaev degen kisi. Ol kisige narqobyz aǵasynan jetken, ol kisi osy narqobyzdyń kómegimen adam emdegen. Kóneden jetken aspapty 2004 jyly mýzeıge Nurǵalı Kúzembaevtyń kelini, Denısov aýdany Shoqybaı kentiniń turǵyny Jańyl Kósherova ákep tapsyrdy», deıdi mýzeıdiń ǵylymı hatshysy Názıma Otasheva.
Qostanaı oblysy