Tarıhı kezeńmen tuspa-tus kelgen Naýryz

Bal Memleket basshy­sy­nyń bastamasymen 2024 jyly bekitilgen «Naýryz­nama» onkún­digi aıasynda Mádenıet jáne ult­tyq salt-dástúr kúnine oraı uıym­dastyryldy.

Is-sharada mádenı jáne gýmanıtarlyq baılanystardy nyǵaıtýǵa yqpal etip, elimizdiń baı tarıhı-mádenı murasy men ulttyq dástúrine, qazirgi qoǵamdyq damýyna erekshe nazar aýdaryldy. Dıplomattar úshin jármeńke uıymdastyryldy. Bul is-shara tabıǵat jańaryp, molshylyq artatyn Ulystyń uly kúni – Naýryz merekesiniń mán-maǵynasyn tereń túsinýge sep boldy. Qonaqtar arqan tartys, asyq atý, basqa da ulttyq oıyndarǵa qatysyp, qazaq mádenıetin jaqynyraq tanı tústi.

Is-sharada Premer-mı­nıstr­diń orynbasary – Má­denıet jáne aqparat mınıstri Aıda Balaeva bıylǵy Naýryz mere­kesi el úshin mańyzdy kezeń­men tuspa-tus kelgenin atap ótti.

«Bıylǵy Naýryz elimiz úshin mańyzdy tarıhı kezeńmen tuspa-tus kelip otyr. Kúni keshe ótken respýblıkalyq refe­rendýmda halqymyz jańa Ata zań úshin tańdaý jasap, el damýynyń jańa baǵy­tyn aıqyndady. Halqymyz ádiletti, progressıvti, bilim men ǵylymǵa, ınnovasııaǵa negizdelgen bolashaq úshin daýys berdi. Zań men tártip saqtalatyn, barshaǵa teń múm­kindik beretin ádiletti qoǵam qalyptastyrý jolynda tarıhı sheshim qabyldadyq. Referendýmǵa belsendi qa­tys­qan halyq el taǵdyryna beıjaı qaramaıtynyn, er­teńge degen jaýapkershilikti tereń sezineti­nin kórsetti. Bul – birligi bekem, bolashaǵyna senimdi qoǵamnyń aıqyn kórinisi. Elimiz úshin ýaqyt talabyna saı jasalǵan bul tarıhı qadam memlekettik júıeni ınstıtýsıonaldyq turǵydan jańǵyrtýǵa jol ashady. Bul – Qazaqstannyń demokratııalyq damý jolyndaǵy taǵy bir mańyzdy belesi. Osylaısha, Qazaqstan jańa dáýirge, jańa kezeńge nyq qadam basty. Bul Naýryz meıramynyń jańarý men jańǵyrýdy bildiretin tereń rámizdik mánimen úndesip jatyr», dedi Aıda Balaeva.

Sonymen qatar Premer-mınıstrdiń orynbasary jańa Konstıtýsııada qoǵam damýynyń jańa qundylyqtary bekitilgenin atap ótti. Alǵash ret tarıhı-mádenı murany saqtaý jáne tól mádenıetti ulyqtaý memleket damýynyń negizgi qaǵıdattarynyń biri retinde aıqyndaldy.

«Ulttyq biregeılikti saq­taý, tarıhı sabaqtastyqty úzbeý jáne mádenı kodty keler urpaqqa aman jetkizý – konstıtýsııalyq normalardyń túpki máni. О́ıtkeni mádenı mura – ótkenniń esteligi ǵana emes, eldiń rýhanı tire­gi, qoǵamdy biriktiretin qundy­lyqtardyń negizi.

Azamattardyń tarıhı jáne mádenı muraǵa qam­qor­lyq jasaý mindetiniń beki­tilýi de qoǵam­nyń mádenı jaýapkershiligin kú­sheıtedi. Sonymen qatar eli­miz­diń damý joly «birlik pen ynty­maq, etnosaralyq jáne kon­fessııaaralyq tatýlyq qaǵı­­dattaryna súıenetini» Jańa Kon­stıtýsııanyń pream­bý­la­synda anyq bekitildi. Bul qaǵı­dattar Qazaqstan qoǵa­mynyń basty tirekteriniń biri bolyp qala beredi jáne kópetnosty, kóp­konfessııaly elimizdiń turaq­ty damýynyń berik negizin qalyp­tastyrady.

Elimiz qaı kezde de ha­lyq­tar arasyndaǵy dostyq pen ór­ke­nıetter dıalogin damytýǵa ba­symdyq berip keledi. Osy rette dostyq pen tatýlyqtyń altyn kópirine aınalǵan dıplomatııalyq korpýs ókilderine erekshe alǵys bildirgim keledi.

Qazaqstanda qyzmet at­qaryp júrgen sheteldik elshiler bizdiń mádenıetimizge, dástúrimizge, tili­mizge zor qyzyǵýshylyq tanytyp qana qoımaı, olardy halyqara­lyq arenada nasıhat­taý­ǵa da úlken úles qosyp júr. Sondyqtan birligimizdi bekem­deýde barshańyzdyń eseli eńbek­terińiz aıryqsha zor dep bilemin», dep atap ótti Úkimet basshysynyń orynbasary.

Is-sharada Syrtqy ister mı­nıstriniń orynbasary Álibek Baqaev quttyqtaý sóz sóıledi. Ol Naýryz mereke­siniń mádenı dıplomatııa­daǵy mańyzdy rólin atap ótip, bul meıram halyqtardy jaqyndastyryp, memleketter arasyndaǵy ózara túsinistikti nyǵaıtatynyn aıtty. Álibek Ba­qaevtyń pikirinshe, jańarý men jasampazdyqty bildiretin bul mereke – halyqaralyq ynty­maq­tas­tyq pen tatý­lyqtyń jarqyn kórinisi.

Merekelik baǵdarlama aıasynda qonaqtarǵa qazaq óne­riniń altyn qorynan mýzy­kalyq shyǵarmalar shyrqalyp, halyq ertegi­leriniń jelisimen qoıylym kórsetildi. Sonymen qatar kıiz úı qurý ádisi kórse­tilip, qazaqtyń ulttyq bıin úıretetin sheberlik sabaqtar ótkizildi, qazaqy das­tarqan men ulttyq taǵamdar usy­nyldy. Kesh sońynda ulttyq aspaptarda túrli mýzykalyq shyǵar­­malar oryndaldy.

Merkelik is-sharaǵa Eýropa, Azııa, Taıaý Shyǵys, Soltústik jáne Ońtústik Amerıka elde­rinen 70-ten astam elshi men ókil­dik basshysy, dıplomat jáne halyqaralyq uıym­dar­dyń mú­sheleri qatysty. Olar­dyń qatarynda BUU júıesi, IýNISEF, DDU, Halyq­aralyq kóshi-qon uıymy, EQYU jáne Dúnıe­júzilik bank ókilderi bar.