Elordanyń Tótenshe jaǵdaılar departamenti Astana aýmaǵynda ornalasqan Esil ózeniniń ólsheý stansalarynda sýdyń ortasha deńgeıi 615 santımetrdi quraǵanyn habarlady, dep jazady Egemen.kz.
«Bul kórsetkish sý qoımasynyń jaǵalyq bóligindegi sý deńgeıiniń shamaly kóterilgenin bildiredi, sý deńgeıiniń azdap kóterilýi temperatýralyq fonnyń joǵarylaýymen, sý tasqyny kezeńiniń bastalýymen jáne muzdyń erigenimen baılanysty», dep habarlady Astana TJD.
Astana qalasy Tótenshe jaǵdaılar departamentiniń málimetinshe, qazirdiń ózinde Esil ózeniniń arnasynda erigen qar men muzdyń azaıýy baıqalady.
«Osyǵan baılanysty jaqyn arada bul sý qoımasyndaǵy sý deńgeıi tómendeıdi dep kútiledi, Astanada sý tasqyny jaǵdaıy turaqty, elordada turǵyn úıler men basqa da nysandardy sý basyp ketý qaýpi joq», dep habarlady vedomstvo ókilderi.