Batys Qazaqstan oblysynda sý tasqynyna qarsy qorǵanys qurylystaryn nyǵaıtý, sondaı-aq basqa da shuǵyl jumystardy júrgizý jáne sý tasqyny saldaryn joıý jónindegi is-sharalar jalǵasyp jatyr, dep jazady Egemen.kz.
Oblysta qorǵanys qurylystaryn júrgizýge 7 895 adam jáne 1 781 birlik tehnıka, sonyń ishinde 1011 birlik arnaıy tehnıka jumyldyryldy.
Qazirgi ýaqytta Jaıyq ózeniniń jaǵasynda uzyndyǵy 100 shaqyrym bolatyn bóget jasaqtalyp, 771 myń qum toltyrylǵan qapshyq salyndy.
2024 jyldyń 16 sáýirdegi jaǵdaı boıynsha Jaıyq ózenindegi sý deńgeıi 776 sm-ge deıin jetti jáne sý deńgeıi áli kóterilip jatyr. О́tken jyly eń joǵary deńgeı 557 sm bolǵan edi. Qaýipti deńgeı - 850 sm.
«Sý Reseı Federasııasynnan keledi, onda sý tasqynyna baılanysty Irıklın sý qoımasynan aǵyzý júrgizilip jatyr. Naqtylanǵan aqparatqa sáıkes, Irıklın sý qoımasynyń sýyn Reseı Federasııasynan aǵyzý birtindep azaıyp keledi. Degenmen, oblysta sý basý qaýpi joǵary deńgeıde qalyp otyr», delingen BQO ákimdiginiń baspasóz qyzmeti taratqan habarlamada.