Aýyl sharýashylyǵy mınıstrliginiń resmı ókili Oljas Tilebaldın sý tasqyny saldarynan malynan aıyrylǵan sharýalardyń ótemaqyny qalaı alatynyn túsindirdi, dep habarlady Egemen.kz.
Onyń aıtýynsha, qazir sý basqan óńirlerden 112,5 myń bas mal qaýipsiz jerge aıdalǵan. Apattan 7 035 bas mal ólgen. Onyń basym bóligi – usaq mal.
- О́lgen mal basy boıynsha derekter únemi jańartylyp otyrady. Respýblıkalyq epızootııaǵa qarsy otrıad oblys ákimdikterimen birlesip, ólken janýarlardy jınaý jáne joıý jumysyn júrgizip jatyr. Buǵan deıin topyraqta sibir jarasy sporasynyń bolýyna júrgizilgen taldaý nátıjesi teris nátıje kórsetti. Búginde sý basqan aımaqtardaǵy epızootııalyq jaǵdaı turaqty jáne ol Aýyl sharaýshylyǵy mınıstriniń baqylaýynda, - dedi Oljas Tilebaldın OKQ-da ótken brıfıngte.
Sondaı-aq ol búginde maldyń qunyn óteý algorıtmi bekitilgenin eske saldy.
- Oǵan sáıkes sý tasqyny saldarynan ólgen aýyl sharýashylyǵy janýarlarynyń barlyq ıesi ótemaqy alýǵa quqyly. Menshik ıesin anyqtaý janýarlardyń birizdendirý nómirin, aýyl sharýashylyǵy janýarlarynyń birizdendirý derekqorymen salystyrý arqyly, al mal tirkelmegen jaǵdaıda kýágerlerdi tarta otyryp, zalaldy óteý jónindegi komıssııanyń aktisimen anyqtalady. Aýyl sharýashylyǵy janýarlarynyń ıelerine ótemaqy tóleý bıýdjet qarjatynan da, bıýdjetten tys kózden de júrgiziledi, - dedi resmı ókil.
О́lgen mal basy boıynsha ótemaqyny alý úshin ne isteý kerek?
Maldyń ıesi jergilikti jerlerdegi zalaldy óteý jónindegi komıssııaǵa ótinish berýge tıis;
Barlyq ótinimdi jergilikti ákimdikter qurǵan tek resmı komıssııalarǵa berý kerek.
Osydan keıin ótemaqy tólenedi.
Derekterdi jınaýmen aınalysatyn ártúrli shtabqa usynylǵan aqparat tólem úshin negiz bolyp sanalmaıdy. Sý tasqyny kezinde aýyl sharýashylyǵy salasy boıynsha qosymsha suraq týyndaǵan jaǵdaıda
Aýyl sharýashylyǵy mınıstrligi janyndaǵy jedel jelige: 8 717 2 57 33 58, 8 747 094 33 81 habarlasýǵa bolady. Ol tańǵy saǵat 9:00-den keshki 18:30-ǵa deıin jumys isteıdi, - dedi Oljas Tilebaldın.