Múmkindikti der kezinde paıdalaný múgedektikten saqtaıdy

Elimizdiń túkpir-túkpirinde, alys aýyldarda eńbekpen kún keship, mal sharýashylyǵymen aınalysyp, urpaq tárbıelep otyrǵan el turǵyndarynyń kóbi býyn aýrýlarynan qozǵalystary shektelip, múgedektik jaǵdaıǵa deıin jetip jatady. Sóıtse de kóbi «Pyshaqqa túsken ońaı emes» – dep shydamdylyq tanytyp júre beretini jasyryn emes. Bul aýrýlarǵa dárigerler arnaıy ota jasaıtynyn, ıaǵnı ındoprotez arqyly jasandy býyn ornatatynyn, aıtqym keledi. Bul oraıda adamdardyń ómirin uzartyp, qozǵalysyn rettep, ómir súrý qýanyshyna bólep otyrǵan Astana qalasy №1 qalalyq aýrýhanasy ujymynyń tynymsyz eńbegi qandaı alǵysqa da laıyq. Elordadaǵy sol aýrýhananyń ortohırýrgııa bóliminde súıek-býyn aýrýlarynan, qozǵalys muqtajdyǵyna ushyraǵandarǵa, ómirden qol úzip arbaǵa tańyl­ǵandarǵa sheksiz qýanysh syılap otyrǵan aq halatty abzal jandar eńbek etedi. Men osy aýrýhanada ota jasatyp, tize býynyn almastyryp, eńbekke qaıta oraldym. Aýrýhana dárigerleri ózderiniń sheberligimen, aýrý­­hananyń talapqa saı jab­dyqtalýymen, aýrýlarǵa degen qamqorlyǵymen erek­she­lenedi. Medısına ǵy­lym­­darynyń doktory Ersin Jú­nisov bólim dárigerlerimen aýrýlarǵa kúndelikti tekserý júrgizip, keńes ótkizip, taldaý jasap, muqııat emdeıdi. Ortohırýrgııa bóliminiń je­tek­shisi Rýslan Botaev, bó­lim meńgerýshisi Aslan Sul­tan­gereev, jas travmatologtar Ádilbek Súmbebaev, Qaırat Rahymov, Jánibek Túımenov halyqqa istegen adal eńbekteriniń arqasynda úlken bedelge ıe bolǵan jan­dar. Olardyń eshqandaı ýaqytpen sanaspaı, erteli-kesh aýrýlarǵa qyzmet jasap, mańdaı terlerin tógip júr­gen janqııarlyq eńbegin kórgende qazaqtyń osyndaı asyl azamattaryna tánti bolady ekensiń. Anestezıolog Nurdan Bos­taevtyń keńesinen keıin maǵan eki saǵattan artyq ýaqyt ota jasaldy. Biraq eshqandaı aýrý bilinbedi. Ota jasalǵannan keıin býyp-tańyp, qozǵalys jattyǵýlaryn jasap, eki bal­daqtyń kómegimen júre bastadym. 12 kúnnen keıin tigilgen jibin alyp, aýrýhanadan temir­jol vokzalyna ákelip, tez jazylýyma izgi tilek bildirip, shyǵaryp saldy. Qozǵalysym shektelip, júrý, qozǵalý muq­tajdy­ǵyna tap bolǵan kezde ha­lyq­qa qamqorlyq pen jaq­sy tur­mys, tynyshtyq pen baqyt syılap otyrǵan, zamanǵa saı jedel damyp kele jatqan memle­keti­mizdiń qol jetken tabys­taryna asa rızashylyǵymdy bil­diremin. Respýblıkamyzdyń shal­ǵaı eldi mekenderinde turatyn jandarǵa elimizdiń damyǵan bilimi men ǵylymynyń jetistikterin paıdalana bil­genniń ózi bir ǵanıbet der edim. Kúlásh О́MIRBAEVA, Q.Jubanov atyndaǵy Aqtóbe óńirlik memlekettik ýnıversıtetiniń professory, pedagogıka ǵylymdarynyń kandıdaty.