Qulsarydaǵy tasqyn: sebep pen saldar

Atyraý oblystyq tóten­she jaǵdaılar depar­ta­men­ti qoǵammen baılanys tobynyń málimetine súıensek, sý tasqynynyń qaýpinen qorǵaý úshin Jylyoı aýdanynyń 36 738 turǵyny evakýasııalandy. Onyń ishinde 8 382 bala bar.

Qulsaryda sý astynda qalǵan tur­ǵyn úı men ózge de nysan­dar­dyń sany 2 800-den asty. Turǵyn úılerge kirgen sý áli tartyla qoımady. Máselen, Jylyoı aýdanyndaǵy №2 jáne №9 memlekettik órt sóndirý bóliminde jumys isteıtin 8 qyz­met­kerdiń úıi tasqyn sý astynda qalǵan.

«Turǵyndardy qutqarý jumys­ta­ryn júrgizdim. Oqıǵa ornynan ketip qalýǵa bolmaıdy. Tipti sý basqan úıime barýdy oılamadym. О́ıtkeni ózime tapsyrylǵan mindetti oryndaýym qajet boldy. Áriptesterim meniń ata-anamdy, balalarymdy sý basqan úıden alyp shyǵyp, evakýasııalyq pýnkt­ke jetkizdi. Qazir otbasym Mań­ǵys­taý oblysynyń Beıneý aýdanyna ýaqytsha turaqtady», deıdi órt sóndirý kóliginiń júrgizýshisi Nurbolat Orazov.

Qazir Qulsary qalasynda tas­qyn sýdy sorý, bógetterdi nyǵaıtý jalǵasyp jatyr. Bul jumysqa 5 658 adam, 187 tehnıka, 17 júzý qu­raly, 21 motopompa tartylǵan. Qul­sary qalasynan 14 sáýirge deıin 250 myńnan asa tekshe metr sý sorylǵan.

Jylyoı aýdandyq elektr júıe­si tora­bynyń basshysy Marat Tańatarulynyń aıtýynsha, 5 sáýirde Qulsary qalasyndaǵy 10 shaǵyn aýdanda jaryq óshirilgen. Endi sý baspaǵan 500 úıge elektr jaryǵy qaıta berildi. Jaǵdaıdy jedel qalypqa keltirý maqsatynda ýaqytsha transformatorlar ornatyldy. Jaryqty qalpyna kel­tirý jumystaryn úılestirý úshin Qulsary qalasynda 4  brıgada iske kiristi. Brıgadalar qura­myn­daǵy mamandar 8 arnaıy tehnıkamen táýlik boıy jumys istep júr.

Aýdan ákiminiń orynbasary Gúlnafıs Aıshýaqovanyń aıtýy­­­na qaraǵanda, saýda oryndary qalypty jumysyna kiristi. Onyń ishinde 100 azyq-túlik dúkeni, 2 iri sýpermarket, 3 iri kóterme saýda bazary bar. Sondaı-aq 20-ǵa jýyq dárihana qaıtadan ashyldy.

«Qaladaǵy qoǵamdyq tamaqtaný oryndary da jumysyn bastady. Táýlik boıy jumys isteıtinderi bar. Saýda oryndarynyń ıelerine tú­sindirý jumysy júrgizilip, baǵa­ny negizsiz qymbattatpaýdy qada­ǵalap otyrmyz», deıdi G.Aıshýaqova.

Al «Batys Teh Invest» JShS basshysy Áýez Ábilákimniń máli­me­tine súıensek, tótenshe jaǵdaı jarııalanǵanǵa deıin Qulsary qalasynda 55 avtobýs 12 baǵytta jolaýshy tasymaldaǵan. Biraq sý tasqynynan avtobýstar toqtap qalǵan. Qazir qalada 14 avtobýs 4 baǵytta jolaýshy tasymaldaıdy. Buǵan qosa Qosshaǵyl, Jańa Qaraton, Maıkómgen, Jem aýyl­dyq okrýgterine qatynaıtyn avtobýstar reıske shyqty.

«Qazavtojol» ulttyq kompanııasy Atyraý oblystyq fılıalynyń dırektory Murat Myqtybaevtyń málimetinshe, 4 sáýirde Jem ózeniniń sýy «Dossor – Qulsary» tasjolynyń 101-shaqyrymyn shaıǵan. Sodan beri bul jolmen kólik qozǵalysy toqtatyldy. Osynyń saldarynan 470 júk kóligi Mańǵystaý óńiri men О́zbekstanǵa jete almady. Júk kólikteri Dossor kentiniń mańynda bir aptadan asa turyp qaldy. Olardyń arasynda Túrikmenstan men О́zbekstannyń, Ýkraına men Moldovanyń, Rýmynııanyń, elimizdiń ózge óńirlerinde turatyn júrgizýshiler bar. Aýstrııa eliniń eki júrgizýshisiniń turǵanyna biraz bolǵan. Máselen, túrikmenstandyq Mehban Amangeldıev Reseıden kele jatyr. Ol munda 5 sáýirden beri tur. Al О́zbekstan azamaty Shohır Rabbıev Túrkııadan jolǵa shyqqan.

«Qazavtojol» kompanııasy 13 sáýirde trassanyń sý shaıǵan bóligin qalpyna keltirýge kiris­ti. Búlingen jol ýchaskesin jón­deýge 45 adam, 28 tehnıka jumyl­dy­ryl­dy. Jol bóligine sý ótkizýge arnalǵan 12 qubyr salyndy. Onyń ústine ınertti materıaldar tóseldi.

Oblystyq polısııa departa­menti patrýldik polısııa rota­­synyń komandıri Ádilbek Shahme­tovtiń aıtýynsha, joldyń jón­del­gen bóligi úzdiksiz baqy­laýǵa alynady. О́ıtkeni joldyń bul bóliginde kólikterdiń bir baǵytpen ǵana qozǵalýyna ruqsat berildi. Sol sebepten polısııa qyzmet­ker­leri kólikterdiń kezekpen júrýin retteıdi.

Bıylǵy sý tasqynynyń zardaby az bolmaıyn dep tur. О́ki­nish­ti­si, adam shyǵyny da, mal shyǵyny da bar. Sý astynda qalǵan múliktiń esebin ázir eshkim bilmeıdi. Tórt adam tasqyn sýdyń qurbany boldy. Áne-mine 50 jasqa tolǵaly júrgen jigittiń traktory aýdaryldy. Ol dosymen birge sýǵa batty. Budan soń ákesi men balasy tasqyn sýdan shyǵa almaı qaldy.

Veterınarlyq baqylaý jáne qa­daǵalaý komıteti Jylyoı aýdan­dyq aýmaqtyq ınspek­sııa­sy­nyń basshysy Jánibek Saby­rov­­tyń aıtýynsha, sý tasqy­nynyń sal­darynan ólgen mal, ıt pen mysyq óleksesi jınalyp jatyr. О́lek­se­ler áli de tabylýy múmkin. Sol sebepten ólekselerdi jınaý, joıý jumysy áli de jalǵasady.

«Jylyoı aýdandyq veterınarııa stansasy qyzmetkerleri Qul­sary qalasynda sý tasqyny kezinde ólgen tórt túlik pen qus­tardyń óleksesin jınaýdy bastady. Qazir tólin qosa alǵanda 60 qoı-eshki, 8 úı qusy, bir ıt pen bir mysyqtyń óleksesi jınaldy. О́lek­selerdi mal qorymdarynda jáne arnaıy belgilengen shuń­qyr­larda órteý jolymen joıý ju­mys­tary júrgizilip jatyr», dedi J.Sabyrov.

Atyraý oblysy