Memleket basshysy Qasym-Jomart Toqaev osy jyldyń 15 naýryzynda ótken Ulttyq quryltaıda «Aıbyn» ordeniniń dárejelerine batyr babalarymyzdyń esimin berýdi usynǵan edi. Májilis usynys boıynsha orden dárejelerine esimi beriletin batyrlardy bekitti, dep jazady Egemen.kz.
Májilis «Qazaqstan Respýblıkasynyń memlekettik nagradalary týraly» zańǵa engiziletin túzetýlerdi qabyldady.
Qazaq jaýyngerlerin máńgi este saqtaý maqsatynda zańǵa «Aıbyn» ordeniniń ártúrli dárejesine Saǵadat Nurmaǵambetov, Baýyrjan Momyshuly jáne Raqymjan Qoshqarbaev esimderin berý týraly tolyqtyrýlar engizildi.
Qujat Senattyń qaraýyna jiberildi.