Qutqarýshylar 26 myńnan astam azamatqa kómek kórsetti, dep habarlaıdy Egemen.kz Tótenshe jaǵdaılar mınıstrliginiń Memlekettik materıaldyq rezervter komıtetine silteme jasap.
Atyraý oblysyndaǵy sý tasqyny jaǵdaıyna baılanysty Qulsary qalasynan Mańǵystaý oblysynyń qalalary men aýdandaryna 26 myńnan astam jergilikti azamat evakýasııalandy.
«Turǵyndar ýaqytsha ornalastyrý ortalyqtaryna, sondaı-aq týystary men eriktilerdiń qaramaǵyna ornalastyrylady. Búgin Úkimettiń tapsyrmasy boıynsha Tótenshe jaǵdaılar mınıstrliginiń Memlekettik materıaldyq rezervter komıteti evakýasııalanǵan azamattarǵa qordan azyq-túlik pen tósek-oryndaryn taratty», dep habarlady vedomstvo.